കോയമ്പത്തൂര്‍: പ്രധാനമന്ത്രി നരേന്ദ്ര മോഡിയുടെ പേരില്‍ ‘മോഡി’ ഇഡ്‌ലിയും സാമ്പാറും പുറത്തിറങ്ങും. ബി.ജെ.പി നേതാവിന്റെ നേതൃത്വത്തില്‍ സേലത്താണ് മോഡി ഇഡലിയും സാമ്പാറും പുറത്തിറങ്ങുന്നത്. പത്ത് രൂപയ്ക്ക് നാല് ഇഡലിയും സാമ്പാറും ലഭിക്കും.
അടുത്തയാഴ്ചയോടെ പ്രവര്‍ത്തനമാരംഭിക്കും. തമിഴ്‌നാട്ടിലെ ബി.ജെ.പിയുടെ പ്രചാരണ വിഭാഗം വൈസ് പ്രസിഡന്റ് മഹേഷാണ് സംരംഭത്തിന് പിന്നില്‍. സംരംഭവുമായി ബന്ധപ്പെട്ട് ഇപ്പോള്‍ തന്നെ മോഡിയുടെ പടം വെച്ചുള്ള പോസ്റ്ററുകള്‍ വ്യാപകമായി പ്രത്യക്ഷപ്പെട്ട് തുടങ്ങി.
ഇടത് സൈഡില്‍ മോഡിയും വലത് സൈഡില്‍ മഹേഷും ഇടംപിടിച്ചിട്ടുള്ള പോസ്റ്ററുകള്‍ക്ക് വലിയ പ്രതികരണമാണ് ലഭിക്കുന്നത്. ആധുനിക അടുക്കളയില്‍ തയ്യാറാക്കി കൂടുതല്‍ ആരോഗ്യപരവും, രുചികരവുമായ ഇഡ്‌ലിയും സാമ്പാറും മോഡി ഇഡ്‌ലിയിലൂടെ ഉടന്‍ ലഭ്യമാകുമെന്ന് പോസ്റ്ററില്‍ പറയുന്നു.
നിലവില്‍ 22 കടകള്‍ ആദ്യ ഘട്ടത്തില്‍ തുറക്കാനാണ് ഉദ്ദേശിക്കുന്നതെന്ന് ബി.ജെ.പി തമിഴ്‌നാട് സംസ്ഥാന അധ്യക്ഷന്‍ ഭരത് ആര്‍ ബാലസുബ്രഹ്ണ്യം ചൂണ്ടിക്കാട്ടി. ദിവസം 40,000 ഇഡ്‌ലി തയ്യാറാക്കാന്‍ കഴിയുന്ന മെഷിന്‍ എത്തിക്കഴിഞ്ഞെന്നും അടുത്ത ആഴ്ചയോടെ തുടങ്ങാനാവുമെന്നും അദ്ദേഹം അറിയിച്ചു.
Discussion about this post