ന്യൂഡല്‍ഹി: നാളെയോടെ ബംഗാള്‍ ഉള്‍ക്കടലില്‍ പുതിയ ന്യൂനമര്‍ദ്ദം രൂപപ്പെടുമെന്നും അടുത്ത മൂന്ന് ദിവസങ്ങളില്‍ നാല് സംസ്ഥാനങ്ങളില്‍ കനത്ത മഴ തുടരുമെന്നും കേന്ദ്ര കാലാവസ്ഥ വകുപ്പ്. മധ്യപ്രദേശ്, ഗുജറാത്ത്, രാജസ്ഥാന്‍, മഹാരാഷ്ട്ര എന്നീ സംസ്ഥാനങ്ങളില്‍ മഴ തുടരുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
അതേസമയം ഉത്തരേന്ത്യന്‍ സംസ്ഥാനങ്ങളില്‍ മഴതുടരുകയാണ്. ഹിമാചല്‍ പ്രദേശ്, ഹരിയാന, പഞ്ചാബ്, ഉത്തരാഖണ്ഡ്, പശ്ചിമ ബംഗാള്‍, ആന്ധ്രാപ്രദേശ് എന്നീ സംസ്ഥാനങ്ങളില്‍ കനത്ത മഴയാണ്. മഴ കനത്തതോടെ ഹിമാചല്‍ പ്രദേശിലെയും പശ്ചിമ ബംഗാളിലെയും പലപ്രദേശങ്ങളും വെള്ളപ്പൊക്ക ഭീഷണിയിലായിരിക്കുകയാണ്. മുന്‍കരുതലെന്ന നിലയില്‍ പശ്ചിമ ബംഗാളിലെ റാംനഗര്‍ ബ്ലോക്കില്‍ നിന്നും ആളുകളെ മാറ്റിപ്പാര്‍പ്പിച്ചിരിക്കുകയാണ്.
മധ്യപ്രദേശില്‍ ജലനിരപ്പ് ഉയര്‍ന്നതിനെ തുടര്‍ന്ന് തവ ഡാമിന്റെ അഞ്ച് ഷട്ടറുകള്‍ തുറന്നു. വെള്ളപ്പൊക്ക ഭീഷണി നേരിടുന്ന ഹിമാചല്‍ പ്രദേശിലെ കുളുവില്‍ ജാഗ്രത നിര്‍ദ്ദേശം നല്‍കിയിട്ടുണ്ട്. ആന്ധ്രാപ്രദേശില്‍ കൃഷ്ണ ജില്ലയില്‍ വെള്ളപ്പൊക്കമുണ്ടായി. പലയിടത്തും വീടുകളടക്കം വെള്ളത്തിനടിയിലായിരിക്കുകയാണ്. ജനങ്ങളെ ഇവിടെ നിന്നും സുരക്ഷിത സ്ഥാനത്തേക്ക് ജനങ്ങളെ മാറ്റിപ്പാര്‍പ്പിച്ചിട്ടുണ്ട്.
Discussion about this post