ഭോപ്പാല്‍: മകന് സേ പരീക്ഷ എഴുതാന്‍ പിതാവ് സൈക്കിള്‍ ചവിട്ടിയത് 85 കിലോമീറ്ററോളമാണ്. ഏകദേശം എട്ട് മണിക്കൂറോളമാണ് സൈക്കിള്‍ ചവിട്ടി മകനെ പരീക്ഷ ഹാളിലെത്തിച്ചത്. പത്താംക്ലാസുകാരനായ മകന് ഒരു വര്‍ഷം നഷ്ടമാകാതിരിക്കാനായി ആദിവാസി വിഭാഗത്തില്‍പ്പെടുന്ന പിതാവ് ഓഗസ്റ്റ് 17ന് സൈക്കിളില്‍ അതിസാഹസികത കാണിച്ചത്.
We faced difficulty but we had no other option. I did this so that he becomes educated. I worked as a labourer at several places, collected money & helped him fill the form. We had started the journey on 17th Aug. We carried a little food with us which we ate on way: Shobharam https://t.co/Saaw6SfBVq pic.twitter.com/LfWe58cJ0U
— ANI (@ANI) August 19, 2020
തനിക്ക് നഷ്ടമായ അവസരം ലോക്ക് ഡൗണില്‍ മറ്റ് വാഹനങ്ങള്‍ ഇല്ലാതിരുന്നതുകൊണ്ട് മാത്രം മകന് നഷ്ടമാകരുതെന്ന ആഗ്രഹമാണ് ഇത്തരമൊരു പ്രവര്‍ത്തിയിലേക്ക് നയിച്ചതെന്ന് മധ്യപ്രദേശിലെ ബേയിഡിപൂര്‍ സ്വദേശിയായ ശോഭാറാം പറയുന്നു. വീട്ടില്‍ നിന്ന് 85 കിലോമീറ്റര്‍ അകലെയുള്ള ദര്‍ എന്ന സ്ഥലത്തെ പരീക്ഷ ഹാളിലേക്കായിരുന്നു മുപ്പത്തൊമ്പതുകാരനായ പിതാവിനൊപ്പം മകനെത്തിയത്.
Madhya Pradesh: A man from a village in Manawar tehsil of Dhar district travelled on a bicycle for around 85 km, to take his son to an exam centre to write class 10 supplementary exam. His son, Ashish says, "Buses aren't operating so we came on a bicycle. I want to be an officer" pic.twitter.com/GcyesdQp87
— ANI (@ANI) August 19, 2020
മകനെങ്കിലും പഠിച്ച് ഒരു സ്ഥിര ജോലിയിലെത്തണം എന്നതാണ് ശോഭാറാമിന്റെ ആഗ്രഹം. ബുദ്ധിമുട്ടുള്ള കാര്യമാണ് പക്ഷേ തങ്ങള്‍ക്ക് വേറെ വഴിയില്ലായിരുന്നുവെന്ന് ശോഭാറാം പ്രതികരിക്കുന്നു. കൂലിപ്പണിക്കാരനായ ശോഭാറാം പലരില്‍ നിന്ന് കടം വാങ്ങിച്ച പണം കൊണ്ടാണ് സേ പരീക്ഷയ്ക്കുള്ള ആപ്ലിക്കേഷന്‍ കൊടുത്തത്. മധ്യപ്രദേശ് സര്‍ക്കാരിന്റെ കീഴിലുള്ള വിദ്യാലയങ്ങളിലെ കുട്ടികള്‍ക്ക് ആദ്യശ്രമത്തില്‍ പത്താം ക്ലാസില്‍ നഷ്ടപ്പെട്ട വിഷയം വീണ്ടും എഴുതിയെടുക്കാനുള്ള റിക് ജാനാ നഹി എന്ന പദ്ധതി അനുസരിച്ചായിരുന്നു ശോഭാറാമിന്റെ മകന് ആശിഷ് പരീക്ഷയെഴുതാനായി എത്തിയത്.
Discussion about this post