ന്യൂഡല്‍ഹി: പ്രധാനമന്ത്രി നരേന്ദ്ര നോഡിയുടെ ട്വീറ്റിന് ഒറ്റവാക്കില്‍ മറുപടി നല്‍കി കോണ്‍ഗ്രസ് എംപി രാഹുല്‍ ഗാന്ധി. മധ്യപ്രദേശിലെ റിവയില്‍ സോളാര്‍ പവര്‍ പ്രൊജക്ട് ഉദ്ഘാടനം ചെയ്ത് പ്രധാനമന്ത്രി നരേന്ദ്ര മോഡി പങ്കുവെച്ച ട്വീറ്റിന് ‘നുണയന്‍’ എന്ന് രാഹുല്‍ മറുപടിയായി കുറിക്കുകയായിരുന്നു. റിവ് ഇന്ന് ചരിത്രം സൃഷ്ടിച്ചു എന്ന മോഡിയുടെ ട്വീറ്റ് ‘നുണയന്‍’ എന്ന ക്യാപ്ഷന്‍ നല്‍കി രാഹുല്‍ പങ്കുവെയ്ക്കുകയായിരുന്നു.
असत्याग्रही! https://t.co/KL4aB5t149
— Rahul Gandhi (@RahulGandhi) July 11, 2020
‘ റിവ ഇന്ന് അക്ഷരാര്‍ത്ഥത്തില്‍ ചരിത്രം സൃഷ്ടിച്ചിരിക്കുന്നു. നര്‍മദാ മാതാവിന്റെയും വെള്ളക്കടുവകളുടെയും പേരില്‍ അറിയപ്പെട്ട റിവയുടെ പേരില്‍ ഇനി ഏഷ്യയിലെ ഏറ്റവും വലിയ സോളാര്‍ പ്രൊജക്ട് പദ്ധതിയും കൂട്ടിച്ചേര്‍ത്തിരിക്കുന്നു.,” എന്നാണ് മോഡി പദ്ധതിയെക്കുറിച്ച് ട്വിറ്ററില്‍ കുറിച്ചത്.
വെള്ളിയാഴ്ചയാണ് വീഡിയോ കോണ്‍ഫറന്‍സിലൂടെ പ്രധാനമന്ത്രി നരേന്ദ്ര മോഡി സൗരോര്‍ജ പദ്ധതി രാഷ്ട്രത്തിന് സമര്‍പ്പിച്ചത്. 750 മെഗാ വാട്ട് ഉത്പാദന ശേഷിയാണ് റേവയിലെ പദ്ധതിക്കുള്ളത്. 4,500 കോടിയാണ് ചെലവ്. 1,500 ഹെക്ടര്‍ സ്ഥലത്താണ് ഇത് പ്രവര്‍ത്തിക്കുന്നത്.
Discussion about this post