കഴിഞ്ഞ ദിവസമാണ് ഇരുപതു വര്‍ഷത്തിന് ശേഷം മഹേഷ് ഭട്ട് സംവിധാനം ചെയ്യുന്ന ചിത്രമായ ‘സഡക് 2’വിന്റെ പോസ്റ്റര്‍ പുറത്തുവിട്ടത്. കൈലാസ് മാനസരോവറിന്റെ ചിത്രമാണ് പോസ്റ്ററിലുള്ളത്. ഇപ്പോഴിതാ ഇത് ഹിന്ദുമത വികാരത്തെ വ്രണപ്പെടുത്തി എന്ന് ആരോപിച്ച് ആലിയ ഭട്ട്, മഹേഷ് ഭട്ട്, മുകേഷ് ഭട്ട് എന്നിവര്‍ക്കെതിരേ പരാതി നല്‍കിയിരിക്കുകയാണ് മുസഫര്‍പൂര്‍ സ്വദേശിയായ ചന്ദ്ര കിഷോര്‍ പരാശര്‍.
കേസില്‍ മുസഫര്‍പൂര്‍ ചീഫ് ജുഡീഷ്യല്‍ മജിസ്ട്രേറ്റ് കോടതി ജൂലൈ 8 ന് വാദം കേള്‍ക്കും. ഐപിസി 295 എ (മത വികാരങ്ങളെ മനഃപൂര്‍വ്വം പ്രകോപിപ്പിക്കല്‍), 120 ബി (ക്രിമിനല്‍ ഗൂഢാലോചന) എന്നിവ പ്രകാരമാണ് കേസ് ഫയല്‍ ചെയ്തിരിക്കുന്നത്.
29 വര്‍ഷം മുമ്പ് മഹേഷ് മഹേഷ് ഭട്ട് സംവിധാനം ചെയ്ത് സഞ്ജയ് ദത്തും പൂജാഭട്ടും ജോഡികളായി എത്തിയ സൂപ്പര്‍ ഹിറ്റ് റൊമാന്റിക് ത്രില്ലര്‍ ചിത്രമായ ‘സഡകി’ന്റെ രണ്ടാം ഭാഗമാണിത്. ‘സഡക് 2’ ഓണ്‍ലൈനിലാണ് റിലീസ് ചെയ്യുന്നത്. സഞ്ജയ് ദത്ത്, പൂജാ ഭട്ട്, ആലിയാ ഭട്ട്, ആദിത്യ റോയ് കപൂര്‍ എന്നിവരാണ് ചിത്രത്തിലെ പ്രധാന താരങ്ങല്‍.
