ചെന്നൈ: തമിഴ്‌നാട്ടില്‍ കൊവിഡ് രോഗികളുടെ എണ്ണം വര്‍ധിക്കുന്നു. ഇന്ന് 3,713 പേര്‍ക്കു കൂടി പുതുതായി കൊവിഡ്-19 സ്ഥിരീകരിച്ചു. 68 പേര്‍ കൊവിഡ് ബാധിച്ച് മരിച്ചു. ഇന്ന് രോഗം സ്ഥിരീകരിച്ചവരില്‍ 3,624 പേരും സംസ്ഥാനത്തു തന്നെയുള്ളവരാണ്.
ഇതോടെ സംസ്ഥാനത്തെ ആകെ കൊവിഡ് ബാധിതരുടെ എണ്ണം 78,335 ആയി. ചെന്നൈയില്‍ മാത്രം 51699 കൊവിഡ് രോഗികളുണ്ട്. ഇതുവരെ 1,025 പേരാണ് സംസ്ഥാനത്ത് കൊവിഡ് ബാധിച്ചു മരിച്ചത്. നിലവില്‍ 33,213 പേരാണ് കൊവിഡ് ബാധിച്ച് ചികിത്സയിലുള്ളത്.
കേരളത്തില്‍ നിന്ന് തമിഴ്‌നാട്ടില്‍ എത്തിയ 11 പേര്‍ക്ക് കൂടി ഇന്ന് കൊവിഡ് സ്ഥിരീകരിച്ചു. കേരളത്തില്‍ നിന്ന് എത്തിയവരില്‍ 117 പേര്‍ ഇതുവരെ രോഗബാധിതരായി.
കര്‍ണാടകയില്‍ നിന്നെത്തിയ 40 പേര്‍ക്കും രോഗം സ്ഥിരീകരിച്ചിട്ടുണ്ട്. സൗദി അറേബ്യ (2), സിംഗപ്പൂര്‍ (2), മലേഷ്യ (1), മാലിദ്വീപ് (1), ഖത്തര്‍ (1), ഉക്രെയിന്‍ (1) എന്നിങ്ങനെയാണ് മറ്റ് രാജ്യങ്ങളില്‍ നിന്നെത്തി കൊവിഡ് സ്ഥിരീകരിച്ചവരുടെ എണ്ണം
Discussion about this post