ന്യൂഡല്‍ഹി: പശ്ചിമ ബംഗാളില്‍ ഉംപുന്‍ രക്ഷാപ്രവര്‍ത്തനങ്ങളില്‍ ഏര്‍പ്പെട്ട അമ്പത് ദേശീയ ദുരന്ത നിവാരണ സേനാംഗങ്ങള്‍ക്ക് കൊവിഡ് 19 വൈറസ് ബാധ സ്ഥിരീകരിച്ചു. രോഗം സ്ഥിരീകരിച്ചവരെ ആശുപത്രി ഐസൊലേഷനില്‍ പ്രവേശിപ്പിച്ചിരിക്കുകയാണ്.
ഉംപുന്‍ രക്ഷാപ്രവര്‍ത്തനങ്ങള്‍ക്കായി വിന്യസിച്ച 50 പേര്‍ക്കെങ്കിലും ഇതുവരെ വൈറസ് ബാധ സ്ഥിരീകരിച്ചതായി സേനയിലെ ഒരു മുതിര്‍ന്ന ഉദ്യോഗസ്ഥനാണ് അറിയിച്ചത്. രോഗം സ്ഥിരീകരിച്ചവരില്‍ അധികവും രോഗലക്ഷണങ്ങളില്ലാത്തവരാണ്. സേനയില്‍ കൂടുതല്‍ പരിശോധനകള്‍ നടക്കുന്നുണ്ടെന്നും അദ്ദേഹം പറഞ്ഞു.
ബംഗാളിലെ ദുരിതാശ്വാസ പ്രവര്‍ത്തനങ്ങള്‍ക്ക് ശേഷം കട്ടക്കില്‍ മടങ്ങിയെത്തിയ 170 പേര്‍ക്ക് കൊാവിഡ് പരിശോധന നടത്തിയിരുന്നു. പശ്ചിമ ബംഗാളില്‍ വിന്യസിച്ചവരില്‍ ഒരാള്‍ക്ക് ഏതാനും ദിവസങ്ങള്‍ക്ക് മുമ്പാണ് രോഗം കണ്ടെത്തിയത്. ഇതേ തുടര്‍ന്ന് ഇയാളുമായി സമ്പര്‍ക്കത്തിലേര്‍പ്പെട്ടവരെ പരിശോധന നടത്തിയപ്പോഴാണ് ബാക്കിയുള്ളവര്‍ക്കും രോഗം സ്ഥിരീകരിച്ചത്.
Discussion about this post