ന്യൂഡല്‍ഹി: കിഴക്കന്‍ ഡല്‍ഹിയിലെ ക്യാംപില്‍ 68 സിആര്‍പിഎഫ് ജവാന്മാര്‍ക്ക് കൂടി കൊറോണ വൈറസ് സ്ഥിരീകരിച്ചു. ഇതോടെ കിഴക്കന്‍ ഡല്‍ഹി ആസ്ഥാനമായുള്ള ബറ്റാലിയനിലെ ആകെ കൊറോണ ബാധിതരുടെ എണ്ണം 122 ആയി ഉയരുകയും ചെയ്തു.
സിആര്‍പിഎഫിലെ മൊത്തം കൊറോണ രോഗബാധിതരുടെ എണ്ണം 126 ആണ്. ഡല്‍ഹി മയൂര്‍ വിഹാറിലുള്ള സിആര്‍പിഎഫിന്റെ 31-ാമത്തെ ബറ്റാലിയനിലാണ് കൊറോണ വ്യാപകമായി പടര്‍ന്ന് പിടിക്കുന്നത്.
ഇവിടെ 55-കാരനായ ഒരു ജവാന്‍ കഴിഞ്ഞ ദിവസം മരിച്ചതായും റിപ്പോര്‍ട്ടുകളുണ്ട്. എസ്‌ഐ റാങ്കിലുള്ള ഉദ്യോഗസ്ഥനാണ് മരിച്ചത്. അസം സ്വദേശിയായ ഇയാള്‍ക്ക് പ്രമേഹമടക്കമുള്ള രോഗമുണ്ടായിരന്നതായി അധികൃതര്‍ അറിയിച്ചു.