ചെന്നൈ: പ്രശസ്ത തമിഴ് നടന്‍ ഡോ. സേതുരാമന് അന്തരിച്ചു. ഹൃദയാഘാതത്തെ തുടര്‍ന്ന് വ്യാഴാഴ്ച്ച രാത്രിയോടെ ആയിരുന്നു അന്ത്യം. ഇദ്ദേഹത്തിന്റെ മരണ വാര്‍ത്ത കേട്ടതോടെ തമിഴ് സിനിമാലോകം ഒന്നടങ്കം ഞെട്ടലിലാണ്. അഭിനേതാവ് കൂടാതെ ത്വക് രോഗവിദഗ്ദ്ധന്‍ കൂടിയായിരുന്നു സേതുരാമന്.
ചെന്നൈയില്‍ സ്വന്തമായി സി ക്ലിനിക് എന്ന സ്‌കിന്‍ കെയര്‍ സ്ഥാപനം നടത്തുകയായിരുന്നു സേതുരാമന്. വിവാഹിതനായ സേതുരാമന് ഒരു കുട്ടിയുണ്ട്. തമിഴ് താരങ്ങളുമായി സുഹൃദ് ബന്ധം പുലര്‍ത്തിയിരുന്ന വ്യക്തിയാണ് സേതുരാമന്.
സന്താനം നായകനായെത്തിയ ‘കണ്ണ ലഡ്ഡു തിന്ന ആസയ’ എന്ന ചിത്രത്തില്‍ പ്രധാന കഥാപാത്രത്തെ അവതരിപ്പിച്ചിരുന്ന സേതുരാമന് വാലിബ രാജ, സക്ക പോഡു രാജ, 50/50തുടങ്ങിയ ചിത്രങ്ങളിലും വേഷമിട്ടിട്ടുണ്ട്.
Discussion about this post