ആഗ്ര: ആഗ്ര-ലഖ്‌നൗ എക്സ്പ്രസ്വേയില് ബസ് ട്രക്കിന് പിന്നിലിടിച്ച് അപകടം. അപകടത്തില്‍ 16 പേരാണ് മരണപ്പെട്ടത്. 20ഓളം പേര്‍ക്ക് പരിക്കേറ്റതായും റിപ്പോര്‍ട്ടുണ്ട്. ബുധനാഴ്ച രാത്രിയിലായിരുന്നു അപകടം. ഡല്‍ഹിയില്‍ നിന്ന് ബിഹാറിലേയ്ക്ക് പുറപ്പെട്ട വാഹനമാണ് അപകടത്തില്‍പ്പെട്ടത്. ബസില്‍ 40ഓളം യാത്രിക്കാര്‍ ഉണ്ടായിരുന്നതായാണ് വിവരം.
ഫിറോസാബാദ് ജില്ലയിലെ നഗ്ല ഖന്‍ഗര്‍ പോലീസ് സ്റ്റേഷന്‍ പരിധിയിലാണ് അപകടം. എക്സ്പ്രസ്വേയില് പൊട്ടിയ ടയര്‍ മാറ്റിയിടുന്നതിനായി നിര്‍ത്തിയിട്ട ട്രക്കിന് പിന്നില്‍ വന്ന് ബസ് ഇടിക്കുകയായിരുന്നു. മൂന്നു മണിക്കൂറോളം നീണ്ട രക്ഷാപ്രവര്‍ത്തിനൊടുവിലാണ് മൃതദേഹങ്ങള്‍ പുറത്തെടുക്കാന്‍ സാധിച്ചത്. പരിക്കേറ്റവരേയും മരിച്ചവരേയും യുപി റൂറല്‍ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് ആശുപത്രിയിലേക്ക് മാറ്റി.
Discussion about this post