ന്യൂഡല്ഹി: പ്രധാനമന്ത്രി നരേന്ദ്ര മോഡിക്കെതിരെ പരിഹാസവുമായി സമാജ്വാദി പാര്ട്ടി നേതാവ് അഖിലേഷ് യാദവ് രംഗത്ത്. രാജ്യത്തെ ജനങ്ങളുടെ തൊഴിലില്ലായ്മ പരിഹരിക്കാന് മോഡി എന്തെങ്കിലുമൊരു ‘ആസനം’ (യോഗ) നിര്ദേശിക്കണമെന്ന് അഖിലേഷ് പരിഹസിച്ചു.
ആരോഗ്യം സംരക്ഷിക്കാന് യോഗ അഭ്യസിക്കുമെന്ന മോഡിയുടെ പ്രസ്താവനയെ പരിഹസിച്ചാണ് അഖിലേഷ് രംഗത്തെത്തിയത്. തന്റെ മുതുകിന്റെ ശക്തികൂട്ടുന്നതിനായി സൂര്യനമസ്കാരത്തിന്റെ എണ്ണം വര്ധിപ്പിക്കുമെന്ന് മോഡി പറഞ്ഞിരുന്നു. അതുപോലൊരു ആസനം യുവാക്കളുടെ തൊഴിലില്ലായ്മ പരിഹരിക്കാനും കൂടി നടത്തിയാല് നന്നായിരിക്കുമെന്നാണ് അഖിലേഷ് പരിഹസിച്ചത്.
അതേസമയം, ‘രാജ്യത്ത് തൊഴിലില്ലായ്മ വര്ധിച്ചു കൊണ്ടിരിക്കുകയാണ്. പ്രധാനമന്ത്രിക്ക് അതിനെക്കുറിച്ചൊന്നും ചിന്തിക്കാന് സമയമേയില്ല. ഒന്നുമില്ലെങ്കില് അദ്ദേഹത്തിന് ഒരു ആസനമെങ്കിലും നിര്ദേശിച്ചുകൂടെ,’- അഖിലേഷ് പറഞ്ഞു.
Discussion about this post