ലഡാക്ക്: രാജ്യം ഇന്ന് എഴുപത്തിയൊന്നാം റിപ്പബ്ലിക് ദിനം ആഘോഷിക്കുകയാണ്. മൈനസ് 20 ഡിഗ്രി സെല്‍ഷ്യസില്‍ 17000 അടി ഉയരത്തില്‍ ദേശീയ പതാക ഉയര്‍ത്തിയാണ് ഇന്തോ-ടിബറ്റന്‍ അതിര്‍ത്തി സേന റിപ്പബ്ലിക് ദിനം ആഘോഷിച്ചത്.
ലഡാക്കില്‍ സേന ദേശീയ പതാക ഉയര്‍ത്തുന്ന സമയത്ത് താപനില മൈനസ് 20 ഡിഗ്രി സെല്‍ഷ്യസ് ആയിരുന്നുവെന്നാണ് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തിരിക്കുന്നത്. തണുത്ത കാലാവസ്ഥയില്‍ രാജ്യത്തെ സേവിക്കുന്ന ഈ സൈനികരെ ഹിമാലയത്തിലെ ധീര സൈനികര്‍ എന്ന് അര്‍ത്ഥം വരുന്ന ‘ഹിംവീര്‍സ്’ എന്നാണ് വിളിക്കുന്നത്. സൈനികര്‍ ‘ഭാരത് മാതാ കി ജയ്’, ‘വന്ദേമാതരം’ തുടങ്ങി ദേശസ്നേഹ മുദ്രാവാക്യങ്ങളും വിളിച്ചു.
മൈനസ് 20 ഡിഗ്രി സെല്‍ഷ്യസില്‍ 17000 അടി ഉയരത്തില്‍ ദേശീയ പതാക ഉയര്‍ത്തി ഇന്തോ-ടിബറ്റന്‍ അതിര്‍ത്തി സേന
