ന്യൂഡല്‍ഹി: പൗരത്വനിയമം ആര്‍ക്കും പൗരത്വം നഷ്ടപ്പെടുത്തില്ലെന്ന് വിശദീകരിച്ച് വിദേശകാര്യമന്ത്രാലയം. പൗരത്വഭേദഗതി നിയമത്തെ കുറിച്ച് ആശങ്ക വേണ്ട. നിയമം ഇന്ത്യയുടെ ആഭ്യന്തര വിഷയമാണെന്ന് മറ്റ് രാജ്യങ്ങളെ അറിയിച്ചെന്നും വിദേശകാര്യ വക്താവ് രവീഷ് കുമാര്‍ പറഞ്ഞു. ബംഗ്ലാദേശ് ഉള്‍പ്പെടെയുള്ള രാജ്യങ്ങള്‍ ആശങ്ക പ്രകടിപ്പിച്ചതിന് പിന്നാലെയാണ് മന്ത്രാലയത്തിന്റെ വിശദീകരണം.
പൗരത്വനിയമത്തിനെതിരായ പ്രതിഷേധത്തെ തുടര്‍ന്ന് മാറ്റിവച്ച ഇന്ത്യ – ജപ്പാന്‍ ഉച്ചകോടി ഉടന്‍ നടത്താനുള്ള ചര്‍ച്ചകള്‍ സജീവമാണെന്ന് രവീഷ് കുമാര്‍ വാര്‍ത്താ സമ്മേളനത്തില്‍ അറിയിച്ചു.
Discussion about this post