ഭുവനേശ്വര്‍: അപകടത്തില്‍പ്പെട്ട വാഹനത്തിലുള്ളവരെ സഹായിക്കുന്നതിന് പകരം വാഹനത്തില്‍ നിന്നും താഴെ വീണ കോഴികളെ മോഷ്ടിക്കുന്ന ഒരുകൂട്ടം ആളുകളുടെ ദൃശ്യങ്ങളാണ് ഇന്ന് സമൂഹമാധ്യമങ്ങളില്‍ പ്രചരിക്കുന്നത്. ഒഡീഷയിലെ സമ്പാല്‍പൂര്‍ ജില്ലയാണ് സംഭവം നടന്നത്.
കോഴികളെ മാര്‍ക്കറ്റിലേക്ക് കൊണ്ടുപോകുന്നതിനിടെയാണ് മിനി ലോറി മറിഞ്ഞത്. ഇതോടെ ലോറിയിലുണ്ടായിരുന്ന കോഴികളും റോഡിലേക്ക് വീണു. സംഭവം കണ്ട് ഓടിയെത്തിയ നാട്ടുകാര്‍ അപകടത്തില്‍പ്പെട്ട ലോറിയെ ഉയര്‍ത്താന്‍ സഹായിക്കാതെ കൈയ്യില്‍ കിട്ടിയ കോഴികളെയും കൊണ്ട് കടന്നുകളയുകയായിരുന്നു.
മറ്റു ചിലര്‍ ഇനിയും കോഴികളെ കിട്ടുമോ എന്നറിയാനായി കാത്തുനിന്നു. നിലത്തുവീണ കോഴികളെ എടുക്കാതെ ലോറിക്കകത്തുനിന്ന് കോഴികളെ വലിച്ചെടുത്ത് കൊണ്ടുപോയവരും കൂട്ടത്തിലുണ്ട്. വാഹനം റിപ്പയര്‍ ചെയ്യേണ്ട തിരക്കിലായിരുന്നതിനാല്‍ നാട്ടുകാര്‍ കോഴിയെ മോഷ്ടിച്ച് കൊണ്ടുപോകുന്ന കാര്യം ഡ്രൈവറും സഹായിയും അറിഞ്ഞില്ല.
ഒഡീഷയിലെ പ്രാദേശിക ചാനലായ ഒടിവി ന്യൂസ് ആണ് പട്ടാപ്പകല്‍ കോഴികളെ മോഷ്ടിച്ച് കൊണ്ടുപോകുന്ന കോഴിക്കള്ളമാരുടെ ദൃശ്യങ്ങള്‍ ട്വിറ്ററിലൂടെ പങ്കുവച്ചത്. 17 സെക്കന്റ് ദൈര്‍ഘ്യമുള്ള വീഡിയോ സമൂഹമാധ്യമങ്ങളില്‍ ഒന്നടങ്കം പ്രചരിക്കുകയാണ്.
Locals steal broiler chickens after the truck, carrying the poultry, crashes near Tendakudar in Kuchinda of #Sambalpur district #Odisha pic.twitter.com/yBwN7t4NdD
— OTV (@otvnews) October 30, 2019
Discussion about this post