ദിസ്പൂര്‍: അസ്സമിലെ മോശം റോഡുകളെക്കുറിച്ചുള്ള ചോദ്യത്തിന് അസ്സമിലെ ബിജെപി എംപി നല്‍കിയ മറുപടി കേട്ട് എല്ലാവരും ഒന്ന് ഞെട്ടി. മോശം റോഡുകളെ ന്യായീകരിക്കുക മാത്രമല്ല, നല്ല റോഡുകള്‍ അപകടം ക്ഷണിച്ചുവരുത്തുമെന്നാണ് എംപിയുടെ മറുപടി. ബിജെപി എംപി പല്ലബ് ലോച്ചന്‍ ദാസാണ് ജനങ്ങളുടെ ചോദ്യത്തിന് ഇത്തരത്തില്‍ മറുപടി നല്‍കിയത്.
വ്യാഴാഴ്ച ടെസ്പൂരില്‍ ഒരു പൊതുപരിപാടിയില്‍ സംസാരിക്കുകയായിരുന്നു അദ്ദേഹം. ‘നല്ല റോഡുകള്‍ വലിയ കാര്യമൊന്നുമല്ല. മോശം റോഡുകള്‍ വാഹാനാപകടങ്ങള്‍ കുറയ്ക്കും’ – എംപി പറഞ്ഞതായി പ്രാദേശിക പത്രങ്ങള്‍ റിപ്പോര്‍ട്ട് ചെയ്തു.
മോശം റോഡുകളിലൂടെ യുവാക്കള്‍ വളരെ സാവധാനം വണ്ടിയോടിക്കും. ഇത് വാഹനാപകടങ്ങള്‍ കുറയ്ക്കുമെന്നാണ് ബിജെപി എംപിയുടെ മറുപടി.
Discussion about this post