പട്ന: കേന്ദ്ര ആരോഗ്യ സഹമന്ത്രി അശ്വിന് ചൗബേയ്ക്ക് നേരെ മഷിയെറിഞ്ഞ് യുവാക്കളുടെ പ്രതിഷേധം. പട്ന മെഡിക്കല്‍ കോളേജില്‍ പരിശോധനയ്ക്ക് എത്തിയപ്പോഴായിരുന്നു മഷിയെറിഞ്ഞ് പ്രതിഷേധിച്ചത്. പ്രളയക്കെടുതി നേരിടുന്നതില്‍ സര്‍ക്കാര്‍ അലംഭാവം കാണിച്ചുവെന്ന് ആരോപിച്ചാണ് മന്ത്രിക്ക് നേരെ മഷിയെറിഞ്ഞത്.
ബിഹാറിലെ ബക്സര്‍ മണ്ഡലത്തെയാണ് ചൗബേ ലോക്സഭയില്‍ പ്രതിനിധീകരിക്കുന്നത്. ആശുപത്രിയില്‍നിന്ന് മന്ത്രിയുടെ വാഹനത്തിലേക്ക് കയറാന്‍ ഒരുങ്ങുമ്പോഴായിരുന്നു മന്ത്രിക്ക് നേരെ മഷിയെറിഞ്ഞത്. രണ്ട് യുവാക്കള്‍ ആണ് മഷി എറിഞ്ഞത്. മഷി എറിഞ്ഞ ശേഷം ഇരുവരും രക്ഷപ്പെടുകയും ചെയ്തു. മന്ത്രി എത്തിയ കാറിനും ഇവര്‍ മഷി ഒഴിച്ചിട്ടുണ്ട്.
#WATCH Bihar: A man threw ink on Union Minister of State for Health & Family Welfare Ashwini Choubey while he was visiting dengue patients at Patna Medical College & Hospital. The man managed to escape. Minister says "Ink thrown on public, democracy and the pillar of democracy." pic.twitter.com/gVxsfdLz8d
— ANI (@ANI) October 15, 2019