ബംഗളൂരു: റെയില്‍വേ പാളത്തില്‍ നിന്ന് ടിക് ടോക് വീഡിയോ ചിത്രീകരിക്കാന്‍ ശ്രമിച്ച യുവാക്കള്‍ക്ക് ദാരുണാന്ത്യം. സുഹൃത്ത് സബിയുള്ള ഖാന്‍ പരിക്കുകളോടെ ആശുപത്രിയില്‍ ചികിത്സയിലാണ്. ബംഗളൂരുവിലാണ് സംഭവം.
അഫ്താബ് ഷെരീഫ്(19), മുഹമ്മദ് മതീന്‍ (22) എന്നിവരാണ് മരിച്ചത്. വെല്‍ഡിങ് തൊഴിലാളിയാണ് അഫ്താബ്. ഓണ്‍ലൈന്‍ ഭക്ഷണ ഡെലിവറി സ്ഥാപനത്തിലെ ഡെലിവറി ബോയിയാണ് മുഹമ്മദ്.
ഇരുവരും വൈകുന്നേരം 5.30 ഓടെ റെയില്‍വേ ട്രാക്കില്‍ ടിക് ടോക് വീഡിയോ ചിത്രീകരിക്കുന്നതിനായി നില്‍ക്കുകയായിരുന്നു. അപ്രതീക്ഷിതമായി എത്തിയ കൊലാര്‍ -ചിക്കബല്ലാപുര്‍- ബംഗളൂരു ട്രെയിന്‍ യുവാക്കളെ ഇടിച്ച് തെറിപ്പിക്കുകയായിരുന്നു. ട്രെയിന്‍ വരുന്നത് കണ്ട് ഓടി മാറാന്‍ യുവാക്കള്‍ ശ്രമിച്ചെങ്കിലും രക്ഷപ്പെടാനായില്ല. സുഹൃത്തായ സബിയുള്ള ഖാന്‍ വീഡിയോ ചിത്രീകരിക്കുകയായിരുന്നു.
Discussion about this post