ഹൈദരാബാദ്: മദ്യലഹരിയില്‍ അപകടങ്ങള്‍ ഉണ്ടാക്കിയ സിനിമ നടനേയും പെണ്‍ സുഹൃത്തിനേയും പോലീസ് അറസ്റ്റ് ചെയ്തു. തുടര്‍ന്ന് നടന്നത് സിനിമ പോലും തോറ്റുപോകുന്ന സംഭവങ്ങള്‍. സ്‌റ്റേഷനിലെത്തിയ ഇരുവരും കൊയ്യാങ്കളിയുമായി പോലീസുകാരന്റെ നേര്‍ക്ക് പാഞ്ഞടുത്തു. കോണ്‍സ്റ്റബിളിനെ മര്‍ദ്ദിച്ച ശേഷം സ്‌റ്റേഷനിലെ ഉപകരണങ്ങള്‍ നശിപ്പിച്ചു.
വെള്ളിയാഴ്ച രാത്രിയില്‍ അപകടമുണ്ടാക്കിയ ഇവരെ പോലീസ് അറസ്റ്റ് ചെയ്തത്. ഇവര്‍ സഞ്ചരിച്ചിരുന്ന കാര്‍ മറ്റൊരു കാറുമായി കൂട്ടിയിടിക്കുകയും കാറിന്റെ ഡ്രൈവറെ ഉപദ്രവിക്കുകയും ചെയ്തു. ഞായറാഴ്ചയാണ് ഇവര്‍ സ്റ്റേഷന്‍ ആക്രമിച്ചത്.
സിനിമകള്‍ ഉണ്ടാക്കി സോഷ്യല്‍ മീഡിയയില്‍ പ്രദര്‍ശിപ്പിക്കുന്നയാളാണ് യുവാവ്. അപകടകരമായി രീതിയില്‍ വാഹനം ഓടിച്ചതിനും ആക്രമിച്ചതിനും ഇരുവര്‍ക്കുമെതിരേ കേസെടുത്തിട്ടുണ്ട്.
Discussion about this post