ന്യൂഡല്‍ഹി: സര്‍ദാര്‍ വല്ലഭായി പട്ടേലിന്റെ ഒരൊറ്റ ഇന്ത്യ എന്ന സ്വപ്നം മോഡി സര്‍ക്കാര്‍ യാഥാര്‍ത്ഥ്യമാക്കിയെന്ന് കേന്ദ്ര ആഭ്യന്തരമന്ത്രി അമിത് ഷാ. ഇതുവരെ ഇതിന് തടസമായിരുന്നത് ആര്‍ട്ടിക്കിള്‍ 370 ആയിരുന്നുവെന്നും കാശ്മീരിന്റെ പ്രത്യേക പദവി എടുത്തു കളഞ്ഞതിലൂടെ ആ സ്വപ്നം മോഡി സര്‍ക്കാര്‍ യാഥാര്‍ത്ഥ്യമാക്കിയെന്നും അമിത് ഷാ പറഞ്ഞു.
രാജ്യത്ത് ഭരണത്തില്‍ ഇരുന്ന 70 വര്‍ഷവും കോണ്‍ഗ്രസ് രാജ്യത്തെ വഞ്ചിക്കുകയായിരുന്നുവെന്നും 70 വര്‍ഷമായി കോണ്‍ഗ്രസിന് നടപ്പിലാക്കാന്‍ സാധിക്കാത്ത വികസനമാണ് മോഡി സര്‍ക്കാര്‍ വെറും 75 ദിവസം കൊണ്ട് നടപ്പാക്കിയതെന്നും അമിത് ഷാ പറഞ്ഞു.
ആര്‍ട്ടിക്കിള്‍ 370 റദ്ദാക്കിയതിലൂടെ കാശ്മീരി ജനതയുടെ ഏറെക്കാലത്തെ ആഗ്രഹമാണ് സഫലീകരിച്ചതെന്ന് മോഡി കഴിഞ്ഞ ദിവസം പറഞ്ഞിരുന്നു. രാജ്യത്തെ ജനങ്ങള്‍ക്ക് തുല്യത വരുത്താനാണ് എഴുപത് വര്‍ഷമായി നടക്കാത്ത കാര്യം വെറും 70 ദിവസം കൊണ്ട് ഈ സര്‍ക്കാര്‍ നടപ്പാക്കിയത്. പ്രശ്‌നങ്ങളുടെ മേല്‍ അടയിരിക്കാനല്ല അത് പരിഹരിക്കാനാണ് സര്‍ക്കാര്‍ ശ്രമിച്ചതെന്നും എല്ലാ രാഷ്ടീയകക്ഷികളും കാശ്മീര്‍ പുനസംഘടനക്ക് പിന്തുണ നല്‍കിയെന്നും പ്രധാനമന്ത്രി പറഞ്ഞിരുന്നു.
Discussion about this post