ന്യൂഡൽഹി: അന്തരിച്ച ബിജെപി നേതാവും മുൻ വിദേശകാര്യ മന്ത്രിയുമായ സുഷമാ സ്വരാജിന് ആദരാഞ്ജലികൾ അർപ്പിച്ച് ഇന്ത്യൻ നാഷണൽ കോൺഗ്രസ്.’സുഷമാ സ്വരാജിന്റ വിടവാങ്ങൽ ഏറെ വേദനിപ്പിക്കുന്നു. കുടുംബാംഗങ്ങൾക്കും പ്രിയപ്പെട്ടവർക്കും അനുശോചനമറിയിക്കുന്നു.’ എന്ന് കോൺഗ്രസ് ഔദ്യോഗിക ട്വിറ്റർ അക്കൗണ്ടിലൂടെ ട്വീറ്റ് ചെയ്തു.
We are saddened to hear about the untimely demise of Smt Sushma Swaraj. Our condolences to her family and loved ones. pic.twitter.com/T9wg739c8i
— Congress (@INCIndia) August 6, 2019
ഡൽഹി എയിംസ് ആശുപത്രിയിൽ ചൊവ്വാഴ്ച രാത്രിയാണ് സുഷമ സ്വരാജിനെ പ്രവേശിപ്പിച്ചത്. ആദ്യ നരേന്ദ്ര മോഡി മന്ത്രിസഭയിൽ വിദേശകാര്യമന്ത്രിയായിരുന്നു സുഷമ സ്വരാജ്. ഡൽഹിയുടെ ആദ്യ വനിതാ മുഖ്യമന്ത്രിയും ഹരിയാനയിലെ പ്രായം കുറഞ്ഞ മന്ത്രിയുമായിരുന്നു.
2019-ലെ തെരഞ്ഞെടുപ്പിൽ അനാരോഗ്യം കാരണം സുഷമ വിട്ടുനിൽക്കുകയായിരുന്നു. മന്ത്രി പദവിയിലേക്ക് ഇല്ലെന്നും അവർ അറിയിച്ചിരുന്നു.