കോഴിക്കോട്: സംസ്ഥാനത്ത് ഖരമാലിന്യം സംസ്കരിച്ച് വൈദ്യുതി ഉത്പാദിപ്പിക്കുന്ന പദ്ധതിയുടെ ഭാഗമായി നിര്മ്മിക്കുന്ന ആദ്യ പ്ലാന്റ് കോഴിക്കോടിന്. നോഡല് ഏജന്സിയായ കെഎസ്ഐഡിസിക്ക് കോഴിക്കോട് കോര്പ്പറേഷന് പാട്ടത്തിന് നല്കിയ ഞെളിയന്പറമ്പിലെ 12.67 ഏക്കര് സ്ഥലത്താണ് അത്യാധുനിക സൗകര്യമുള്ള ആദ്യ പ്ലാന്റ് നിര്മ്മിക്കുന്നത്.
പദ്ധതി നടത്തിപ്പിനുള്ള സ്വകാര്യ പങ്കാളിയെ കണ്ടെത്തുന്നതിനുള്ള ടെന്ഡര് നടപടികള് പൂര്ത്തിയായതായി കെഎസ്ഐഡിസി അറിയിച്ചു. കര്ണ്ണാടകയില് ബാംഗ്ലൂര് കേന്ദ്രീകരിച്ച് പ്രവര്ത്തിക്കുന്ന സോന്ട ഇന്ഫ്രാടെക് പ്രൈവറ്റ് ലിമിറ്റഡ് കമ്പനിയുടെ നേതൃത്വത്തിലുള്ള കണ്സോര്ഷ്യത്തിനാണ് പദ്ധതിയുടെ നിര്മ്മാണവും നടത്തിപ്പ് ചുമതലയും നല്കുന്നത്.
കോഴിക്കോട് നിര്മ്മിക്കുന്ന പ്ലാന്റില് പ്രതിദിനം 300 ടണ് ഖരമാലിന്യം സംസ്കരിക്കാന് കഴിയുമെന്ന് അധികൃതര് വ്യക്തമാക്കി. സംസ്ഥാനത്ത മൊത്തം മാലിന്യത്തില് നിന്നും വൈദ്യുതി ഉത്പാദിപ്പിക്കുന്നതിന്റെ ഭാഗമായി നിര്മ്മിക്കുന്ന ഏഴ് പ്ലാന്റില് ആദ്യത്തേതാണ് കോഴിക്കോട് ഉള്ളത്. തിരുവനന്തപുരം,കൊല്ലം, തൃശൂര്, കണ്ണൂര്,പാലക്കാട്, മലപ്പുറം എന്നീജില്ലകളിലാണ് മറ്റു പ്ലാന്റുകള് സ്ഥാപിക്കുക.
electricity from waste first plant in kozhikode
Discussion about this post