കാന്പൂര്: രാഹുലിന്റെയും പ്രിയങ്കയുടേയും സഹോദര സ്നേഹത്തെപ്പറ്റി പാര്ട്ടിക്കുള്ളില് മാത്രമല്ല സമൂഹമാധ്യമങ്ങളിലും നല്ല അഭിപ്രായമാണ്. രാഹുലിന് വേണ്ടി വയനാട്ടില് പ്രചാരണത്തിന് എത്തിയപ്പോഴും തങ്ങള്ക്കിടയിലെ സ്നേഹ ബന്ധത്തെപ്പറ്റി പ്രിയങ്ക വാതോരാതെ സംസാരിച്ചിരുന്നു.ഇപ്പോള് സമൂഹമാധ്യമങ്ങളില് വൈറലാകുന്നത് കാന്പൂര് വിമാനത്താവളത്തില്വെച്ചുള്ള ഇരുവരുടെയും വീഡിയോയാണ്.
രണ്ടിടങ്ങളിലേക്ക് തെരഞ്ഞെടുപ്പ് പ്രചാരണ പ്രവര്ത്തനങ്ങള്ക്ക് പോവുകയാണ് കോണ്ഗ്രസ് അധ്യക്ഷന് രാഹുല് ഗാന്ധിയും അനിയത്തിയും എഐസിസി ജനറല് സെക്രട്ടറിയുമായ പ്രിയങ്ക ഗാന്ധിയും. ഇതിനായി കാന്പൂര് വിമാനത്താവളത്തിലെത്തിയതാണ് ഇരുവരും. അനിയത്തിയെ ചേര്ത്തു നിര്ത്തി വിമാനത്താവളത്തിലെ ഉദ്യോഗസ്ഥരോട് രാഹുല് ചോദിക്കുന്നു. നല്ല സഹോദരനാവുക എന്നാലെന്താണര്ത്ഥം എന്നറിയാമോ?
തുടര്ന്ന് രാഹുല് തന്നെ അതിന് മറുപടി കൊടുക്കുകയാണ്. ‘ദീര്ഘദൂര യാത്ര പോകേണ്ട എനിക്ക് ചെറിയ ഹെലികോപ്റ്ററും എന്റെ അനിയത്തി ആകെ ഇത്തിരി ദൂരത്തേക്കാണ് പോകുന്നത്. പക്ഷേ, അതൊന്നും സാരമില്ല, എനിക്കവളെ ഒത്തിരി ഇഷ്ടമാണ്. നല്ല സഹോദരനാവുകയെന്നതിന്റെ തെളിവാണിത്’ എന്ന് പറഞ്ഞുകൊണ്ട് പ്രിയങ്കയ്ക്ക് ഒരുമ്മ കൂടി കൊടുത്തതിന് ശേഷമാണ് രാഹുല് നടന്ന് പോകുന്നത്. വിമാനത്താവളത്തിലെ ആരോ മൊബൈല് പകര്ത്തിയ ഈ വീഡിയോ ഇപ്പോള് സമൂഹമാധ്യമങ്ങളില് വൈറലായിക്കൊണ്ടിരിക്കുകയാണ്.
വീഡിയോ
Discussion about this post