തൃശ്ശൂര്‍: താരങ്ങള്‍ പ്രചാരണത്തിന് ഇറങ്ങുന്നുണ്ടെങ്കില്‍ അവര്‍ക്ക് വരുന്ന ചെലവ് സ്ഥാനാര്‍ത്ഥിയുടെ കണക്കില്‍ ഉള്‍പ്പെടുത്തണമെന്ന് തെരഞ്ഞെടുപ്പ് കമ്മീഷന് യോഗത്തില്‍ പറഞ്ഞിരുന്നു. അതേസമയം താരങ്ങള്‍ പ്രചരണത്തിനെത്തുന്നുണ്ടെങ്കില്‍ പട്ടിക നല്‍കണമെന്നും വോട്ടെടുപ്പ് ദിവസത്തേയും ചെലവ് സ്ഥാനാര്‍ത്ഥികളുടെ കണക്കില്‍ പെടുത്തണമെന്നും യോഗത്തില്‍ തീരുമാനമാനിച്ചിരുന്നു.
എന്നാല്‍ സുരേഷ് ഗോപി മത്സരിക്കുന്ന തൃശ്ശൂര്‍ മണ്ഡലത്തില്‍ മാത്രമാണ് ഇത്തരം നിബന്ധനകള്‍ ഉള്ളതെന്നും മറ്റു മണ്ഡലങ്ങളില്‍ അങ്ങനെ ഇല്ല എന്നും ആരോപിച്ച് സോഷ്യല്‍ മീഡിയയില്‍ വ്യാപക പ്രതിഷേധം ഉയര്‍ന്നിരുന്നു. എന്നാല്‍ തെരഞ്ഞെടുപ്പ് കമ്മീഷന്റെ തീരുമാനത്തെ എതിര്‍ത്ത് രംഗത്ത് എത്തിയിരിക്കുകയാണ് നടി ലക്ഷ്മിപ്രിയ. തന്റെ സ്വന്തം ചെലവില്‍ സുരേഷ് ഗോപിയുടെ പ്രചാരണത്തിന് പോകുമെന്ന് പറഞ്ഞിരിക്കുകയാണ് നടി. ഇത്തരം ഒരു വാര്‍ത്തയുടെ അടിയില്‍ കമന്റ് ആയാണ് ലക്ഷ്മി പ്രിയ ഇത് ഇട്ടിരിക്കുന്നത്.
‘ഞാന്‍ പോകും പ്രചാരണത്തിന്…. എന്റെ കാറില്‍…. ഈ ശനിയാഴ്ച.. ത്രിശൂര്‍ എന്റെ കൂടി മണ്ഡലം ആണ്…. ഞങ്ങള്‍ കുടുംബ സമേതം വോട്ടുo ചെയ്യും’ എന്നാണ് ലക്ഷ്മി പ്രിയയുടെ കമന്റ്. ഇത് ഇതിനകം വൈറലായിക്കഴിഞ്ഞു. ഇത് കൂടാതെ നടി ടിടി ഉഷയും സ്വന്തം ചിലവില്‍ പ്രചാരണത്തിന് പോകുമെന്ന് വ്യക്തമാക്കി കഴിഞ്ഞു.
Discussion about this post