ലോക്സഭ തെരഞ്ഞെടുപ്പില്‍ കേണ്‍ഗ്രസിന്റെ തെരഞ്ഞെടുപ്പ് ഗാനം വന്‍ ഹിറ്റ് ആയിരിക്കുകയാണ്. കോണ്‍ഗ്രസിന്റെ തെരഞ്ഞെടുപ്പ് മുദ്രാവാക്യമായ അബ് ഹോഗാ ന്യായ് (ഇനി നിങ്ങള്‍ക്ക് നീതി ലഭിക്കും)എന്നാണ് പ്രചരണ ഗാനത്തിന് നല്‍കിയിരിക്കുന്ന പേര്. ബോളിവുഡ് ഗാനരചയിതാവ് ജാവേദ് അക്തറാണ് തെരഞ്ഞെടുപ്പ് ഗാനത്തിന്റെ വരികള്‍ എഴുതിയിരിക്കുന്നത്. മലയാളം അടക്കമുള്ള പ്രാദേശിക ഭാഷകളിലും പ്രചാരണ മുദ്രാവാക്യവും ഗാനവും തയ്യാറാക്കിയിട്ടുണ്ട്.
ദരിദ്ര കുടുംബങ്ങള്‍ക്ക് അടിസ്ഥാന വരുമാനം ഉറപ്പാക്കുന്ന ന്യായ് പദ്ധതി ഉയര്‍ത്തി പിടിച്ചാണ് മുദ്രാവാക്യം ഒരുക്കിയിരിക്കുന്നത്. മുദ്രാവാക്യത്തിനു പുറമേ തെരഞ്ഞെടുപ്പ് വാഗ്ദാനങ്ങള്‍ ഉള്‍ക്കൊള്ളിച്ച് കൊണ്ടുള്ള പ്രചാരണ ഗാനവും കോണ്‍ഗ്രസ് പുറത്തിറക്കിട്ടുണ്ട്. കോണ്‍ഗ്രസിന്റെ തെരഞ്ഞെടുപ്പ് ഗാനത്തിന് 60 സെക്കന്‍ഡ് ദൈര്‍ഘ്യമാണുള്ളത്. അതെസമയം പാലിക്കാന്‍ കഴിയാവുന്ന വാഗ്ദാനങ്ങള്‍ മാത്രമെ കോണ്‍ഗ്രസ് മുന്നോട്ട് വെക്കുന്നുള്ളുവെന്ന് പ്രചാരണ കമ്മിറ്റി തലവന്‍ ആനന്ദ് ശര്‍മ്മ വ്യക്തമാക്കി.