ഐഎസ്ആര്‍ഒ മുന്‍ ശാസ്ത്രജ്ഞന്‍ നമ്പി നാരായണന്റെ ജീവിതത്തെ ആസ്പദമാക്കിയുള്ള റോക്കട്രി ദി നമ്പി ഇഫക്ട് എന്ന ചിത്രത്തില്‍ മാധവനൊപ്പം സൂര്യയും ഷാരൂഖ് ഖാനും അഭിനയിക്കുമെന്ന് റിപ്പോര്‍ട്ടുകള്‍. മാധവനാണ് വെള്ളിത്തിരയില്‍ നമ്പി നാരായണനായി എത്തുന്നത്. തമിഴ്, ഹിന്ദി, ഇംഗ്ലീഷ് എന്നീ ഭാഷകളിലാണ് ചിത്രം ഒരുക്കുന്നത്.
മാധവന്‍ സംവിധാനം ചെയ്യുന്ന ചിത്രത്തിന്റെ തമിഴ് പതിപ്പില്‍ സൂര്യും ഹിന്ദി പതിപ്പില്‍ ഷാരൂഖ് ഖാനും അതിഥി വേഷത്തില്‍ എത്തുമെന്നാണ് റിപ്പോര്‍ട്ട്. എന്നാല്‍ ഇതുമായി ബന്ധപ്പെട്ട് ഔദ്യോഗിക സ്ഥിരീകരണം ഉണ്ടായിട്ടില്ല. ഈ വര്‍ഷം അവസാനത്തോടെ തീയ്യേറ്ററിലെത്തുന്ന ചിത്രത്തില്‍ സിമ്രാനാണ് നായികയായി എത്തുന്നത്.
1994ലാണ് ഐഎസ്ആര്‍ഒ ശാസ്ത്രജ്ഞനായ നമ്പി നാരായണന് ചാരക്കേസില്‍ അറസ്റ്റിലാകുന്നത്. 1998 ല്‍ അദ്ദേഹത്തെ കുറ്റവിമുക്തനാക്കി. 2018 ല്‍ സുപ്രീം കോടതി ജസ്റ്റിസ് ദിപക് മിശ്ര അധ്യക്ഷനായ ബെഞ്ച് നമ്പി നാരായണന് അമ്പത് ലക്ഷം രൂപ നഷ്ടപരിഹാരം നല്‍കാന്‍ വിധിച്ചു
Discussion about this post