കാസര്ഗോഡ്: കൊല്ലപ്പെട്ട യൂത്ത് കോണ്ഗ്രസ് പ്രവര്ത്തരായ കൃപേഷിന്റെയും ശരത് ലാലിന്റെയും വീടുകളില് കഴിഞ്ഞ വര്ഷം കൊല്ലപ്പെട്ട യൂത്ത് കോണ്ഗ്രസ് മട്ടന്നൂര് ബ്ലോക്ക് സെക്രട്ടറി ഷുഹൈബിന്റെ പിതാവ് മുഹമ്മദ് എത്തി. ഇരുവീടുകളും സന്ദര്ശിച്ച് ബന്ധുക്കളെ ആശ്വസിപ്പിച്ചു.
ഷുഹൈബില് എല്ലാം അവസാനിക്കുമെന്നാണ് ഞങ്ങള് കരുതിയത്. ഇനിയൊരു കൊലപാതകം ഉണ്ടാകരുതെന്നും ഞാനും ഷുഹൈബിന്റെയും ഉമ്മയും സഹോദരിമാരും എല്ലാം ആഗ്രഹിച്ചിരുന്നു. എല്ലാവരോടും ഞങ്ങള് അതു തന്നെയായിരുന്നു പറഞ്ഞിരുന്നതും. പക്ഷേ, എന്റെ മകന് കൊല്ലപ്പെട്ട് ഒരു വര്ഷം തികയും മുന്നേ വീണ്ടും…പോയവന്റെ വേദന ഞങ്ങള്ക്ക് നല്ലോണം അറിയാം. ഒരിക്കലും തീരാത്ത വേദന.. ഒന്നല്ല, രണ്ട് വീടുകളിലാണ് അവര് തീരാത്ത വേദന നല്കിയത്. എന്നെ പോലെ ഇനിയൊരു പിതാവിന് ഈ ഗതി വരരുതെന്ന് ആത്മാര്ത്ഥമായി പ്രാര്ത്ഥിച്ചിരുന്നുവെന്ന് മുഹമ്മദ് പറഞ്ഞു.
കൂട്ടുകാരുടെ കൂടെ തട്ടുകടയില് ഇരിക്കുകയായിരുന്ന ഷുഹൈബിനെ കഴിഞ്ഞ വര്ഷം ഫെബ്രുവരി 12നാണ് വെട്ടിക്കൊലപ്പെടുത്തിയത്.
Discussion about this post