കാസര്‍കോഡ്: ബൈക്കിൽ ടാങ്കര്‍ ലോറി ഇടിച്ചുണ്ടായ അപകടത്തിൽ പൊലീസ് ഉദ്യോഗസ്ഥന് ദാരുണാന്ത്യം. കാസർകോട് ആണ് സംഭവം. കരിവെള്ളൂരിലെ വിനീഷ് ആണ് മരിച്ചത്.
34 വയസ്സായിരുന്നു. ഹൊസ്ദുര്‍ഗ് പൊലീസ് സ്റ്റേഷനിലെ പൊലീസ് ഉദ്യോഗസ്ഥനാണ് വിനീഷ്. പടന്നക്കാട് മേല്‍പ്പാലത്തിന് മുകളില്‍ വച്ച്
ഞായറാഴ്ച രാവിലെ 9.30 ഓടെയാണ് അപകടം സംഭവിച്ചത്.
ബൈക്കിൽ സ്റ്റേഷനിലേക്ക് ജോലിക്ക് വരികയായിരുന്നു വിനീഷ്. ബൈക്കില്‍ എതിരെ വന്ന ടാങ്കര്‍ ലോറി ഇടിക്കുകയായിരുന്നു. വിനിഷ് സംഭവസ്ഥലത്ത് വച്ചുതന്നെ മരിച്ചു. മൃതദേഹം കാഞ്ഞഞ്ഞാടുള്ള ജില്ലാ ആശുപത്രി മോര്‍ച്ചറിയിലക്ക് മാറ്റി.
