തൃശൂര്‍: തൃശൂരിൽ റെയില്‍വേ ട്രാക്കില്‍ ഇരുമ്പ് റാഡ് കണ്ടെത്തിയ സംഭവത്തില്‍ 38കാരൻ അറസ്റ്റിൽ. സിസിടിവി ദൃശ്യങ്ങളാണ് പ്രതിയെ അതിവേഗം പിടികൂടാന്‍ സഹായകമായതെന്ന് റെയിൽവേ പോലീസ് പറഞ്ഞു.
തമിഴ്‌നാട് സ്വദേശിയായ 38കാരന്‍ ഹരിയാണ് ആണ് പിടിയിലായത്. ഇന്ന് പുലര്‍ച്ചെ 4.55നായിരുന്നു സംഭവം. ഇയാള്‍ കഞ്ചാവിന് അടിമയാണെന്ന് പൊലീസ് പറഞ്ഞു.
ട്രെയിൻ അട്ടിമറിക്കാനല്ലെന്നും കഞ്ചാവ് വാങ്ങാനാണ് റാഡ് മോഷ്ടിച്ചതെന്നുമാണ് പ്രതിയുടെ മൊഴി. റെയില്‍വെ ട്രാക്കിന്റെ പുറത്ത് കിടന്നിരുന്ന ഇരുമ്പ് റാഡ് എടുത്തുകൊണ്ടുപോകാന്‍ ശ്രമിക്കുന്നതിനിടെ കൈയില്‍ നിന്നും വഴുതി ട്രാക്കില്‍ വീണുവെന്നും പ്രതി പറഞ്ഞു.
സംഭവസമയത്ത് സമയം തൃശൂര്‍-എറണാകുളം ട്രാക്കില്‍ ഗുഡ്സ് എത്തിയിരുന്നു. ഇരുമ്പ് റാഡ് തട്ടിതെറിപ്പിച്ചാണ് ഗുഡ്സ് ട്രെയിന്‍ കടന്നുപോയത്.തുടര്‍ന്ന് ഗുഡ്സ് ട്രെയിനിന്റെ ലോക്കോ പൈലറ്റാണ് സ്റ്റേഷനില്‍ വിളിച്ച് വിവരം അറിയിച്ചത്.
