മാനന്തവാടി: യുവാവിൻ്റെ പച്ചക്കറി കടയിൽ കഞ്ചാവ് വച്ച കേസിൽ അച്ഛൻ ഉൾപ്പെടെ രണ്ടുപേർക്ക് പിന്നാലെ ഒരാൾ കൂടി അറസ്റ്റിൽ. കര്ണാടക എച്ച്ഡി കോട്ട കെ.ആര് പുര സ്വദേശിയുമായ സദാശിവ (25) ആണ് അറസ്റ്റിലായത്.
വ്യക്തി വൈരാഗ്യത്തിന്റെ പേരിലാണ് യുവാവിൻ്റെ പച്ചക്കറി കടയിൽ കഞ്ചാവ് വെച്ചത്. കേസിൽ കടയുടമ നൗഫലിന്റെ പിതാവും മുഖ്യപ്രതിയുമായ അബൂബക്കറിനെ ഇക്കഴിഞ്ഞ ഡിസംബര് 19ന് എക്സൈസ് പിടികൂടിയിരുന്നു.
2.095 കിലോഗ്രാം കഞ്ചാവാണ് ഒളിപ്പിച്ചു വെച്ചത്. കഴിഞ്ഞ വര്ഷം സെപ്റ്റംബർ ആറിനായിരുന്നു കേസിനാസ്പദമായ സംഭവം. മാനന്തവാടി മൈസൂര് റോഡിലുള്ള പിഎ ബനാന എന്ന സ്ഥാപനത്തിലാണ് പ്രതികള് ഗൂഢാലോചന നടത്തി കഞ്ചാവ് ഒളിപ്പിച്ചത്.
Discussion about this post