മദ്യലഹരിയിൽ കാറോട്ടം, കാൽനടയാത്രക്കാരെ ഇടിച്ച് തെറിപ്പിച്ചു, ദാരുണാന്ത്യം

പാലക്കാട്:മദ്യലഹരിയിൽ ഓടിച്ച കാറിടിച്ച് രണ്ട് പേർ മരിച്ചു. പാലക്കാട് ജില്ലയിലെ കൊടുവായൂരിലാണ് ദാരുണ സംഭവം. മരിച്ചവരെ തിരിച്ചറിഞ്ഞിട്ടില്ല.

മദ്യലഹരിയിൽ കാര്‍ ഓടിച്ച എലവഞ്ചേരി സ്വദേശി പ്രേംനാഥിനെ പൊലീസ് കസ്റ്റഡിയിലെടുത്തു. വയോധികരാണ് അപകടത്തിൽ മരിച്ചത്. റോഡ് മുറിച്ചു കടക്കുന്നതിനിടെയാണ് അപകടം സംഭവിച്ചത്.

കാർ അമിത വേഗതയിലായിരുന്നു. അപകടത്തിന്‍റെ സിസിടിവി ദൃശ്യങ്ങൾ പുറത്തുവന്നു. പരിക്കേറ്റവരെ ഉടൻ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.