കല്‍പ്പറ്റ: യുവാവ് പുഴയില്‍ ചാടി മരിച്ചു. പോക്സോ കേസില്‍ പെടുത്തിയെന്നാരോപിച്ചാണ് യുവാവ് ജീവനൊടുക്കിയത്. വയനാട് പനമരത്താണ് സംഭവം. അഞ്ചുകുന്ന് മാങ്കാവ് സ്വദേശി രതിന്‍ ആണ് മരിച്ചത്.
രതിന്‍ മരിക്കുന്നതിന് മുമ്പ് ഫേസ്ബുക്കില്‍ വിഡിയോ അപ്ലോഡ് ചെയ്തിരുന്നു.സുഹൃത്തുമായി വഴിയില്‍ സംസാരിച്ചതിന് പൊലീസ് പോക്സോ കേസെടുത്തെന്നാണ് യുവാവ് വിഡിയോയില്‍ പറഞ്ഞിരിക്കുന്നത്.
താന്‍ ഇതുവരെ ആരെക്കൊണ്ടും ഒന്നും പറയിപ്പിക്കാതെയാണ് ജീവിച്ചത്. ആരോടും പരാതിയില്ലെന്നും പോക്സോ കേസില്‍ പെട്ടതിനാല്‍ നിരപരാധിത്വം തെളിയിച്ചാലും ഇനി ആളുകള്‍ തന്നെ ആ കണ്ണില്‍ മാത്രമേ കാണൂ എന്നും ഈ വിഡിയോയില്‍ രതിന്‍ പറയുന്നു.
ഓട്ടോറിക്ഷയില്‍ പെണ്‍കുട്ടിയുമായി സംസാരിച്ചത് ആളുകള്‍ ചോദ്യം ചെയ്യുകയും തുടര്‍ന്ന് തര്‍ക്കം ഉണ്ടാകുകയും ചെയ്തിരുന്നു. ഇത്തരത്തില്‍ പൊതു സ്ഥലത്ത് ബഹളം വെച്ചതിനാണ് കേസെടുത്തതെന്നാണ് പൊലീസ് നല്‍കുന്ന വിശദീകരണം.