മലപ്പുറം: മലപ്പുറത്തെ നരണിപ്പുഴയില്‍ ചാടിയ യുവാവിന്റെ മൃതദേഹം കണ്ടെത്തി. നരണിപ്പുഴ സ്വദേശി ശിഹാബുദ്ദീനാണ് മരിച്ചത്. മുപ്പത്തിയെട്ട് വയസ്സായിരുന്നു. ചൊവ്വാഴ്ച വൈകുന്നേരം നാല് മണിയോടെയാണ് സംഭവം.
പാലത്തില്‍ നിന്നാണ് ഇയാള്‍ പുഴയിലേക്ക് ചാടിയത്. പിന്നാലെ ഒഴുക്കില്‍ പെടുകയായിരുന്നു. ശിഹാബുദ്ദീനെ രക്ഷിപ്പെടുത്താന്‍ ചാടിയ സുബൈറും ഒഴുക്കില്‍ പെട്ടു.
വിവരമറിഞ്ഞ് ഓടിയെത്തിയ നാട്ടുകാര്‍ ചേര്‍ന്ന് യുവാവിനെ രക്ഷപ്പെടുത്തി കരക്കെത്തിക്കുകയായിരുന്നു. എന്നാല്‍ ശിഹാബിനെ കണ്ടെത്താന്‍ കഴിഞ്ഞില്ല. പിന്നാലെ വിവരം പൊലീസിനെയും അഗ്‌നിശമന സേനയും അറിയിക്കുകയായിരുന്നു.
നാട്ടുകാരും പൊലീസിനെയും അഗ്‌നിശമന സേനയും ചേര്‍ന്ന് നടത്തിയ തിരച്ചിലില്‍ വൈകിയിട്ട് ഏഴ് മണിയോടെയാണ് ഷിഹാബിന്റെ മൃതദേഹം കണ്ടെത്തിയത്. ഭാര്യ സുമയ്യ. മകള്‍ ഹൈറ.
Discussion about this post