തൃശൂര്‍: തൃശ്ശൂരില്‍ യുവാവിന് നേരെ ആള്‍ക്കൂട്ട മര്‍ദനം. അടയ്ക്ക മോഷ്ടിക്കാന്‍ കയറിയെന്ന് ആരോപിച്ചായിരുന്നു മര്‍ദനം. വെട്ടിക്കാട്ടിരി സ്വദേശി സന്തോഷ് (32) ആണ് മര്‍ദനത്തിന് ഇരയായത്. ഗുരുതരമായി പരിക്കേറ്റ ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്.
കിള്ളിമംഗലത്ത് ഇന്ന് പുലര്‍ച്ചെ രണ്ട് മണിയോടെയായിരുന്നു സംഭവം. കിള്ളിമംഗലം സ്വദേശി അബ്ബാസിന്റെ വീട്ടില്‍ നിന്നും സ്ഥിരമായി അടക്ക മോഷണം പോകാറുണ്ടായിരുന്നു. ഒരിക്കല്‍ അടക്ക മോഷ്ടിക്കുന്ന സന്തോഷിന്റെ ദൃശ്യങ്ങള്‍ സിസിടിവിയില്‍ പതിഞ്ഞിരുന്നു.
also read: മീന്‍ കഴുകിയ വെള്ളം മുറ്റത്തേക്ക് ഒഴിച്ചതിന് മരുമകള്‍ക്ക് ക്രൂരമര്‍ദനം, ഭര്‍തൃപിതാവ് അറസ്റ്റില്‍
തുടര്‍ന്ന് പിടികൂടിയ സന്തോഷിനെ ആള്‍ക്കൂട്ടം ചേര്‍ന്ന് മര്‍ദിക്കുകയായിരുന്നു. സംഭവമറിഞ്ഞ് ചേലക്കര പൊലീസ് സ്ഥലത്തെത്തിയാണ് ഇയാളെ ആശുപത്രിയിലേക്ക് മാറ്റിയത്. ഇയാളെ നാട്ടുകാര്‍ കെട്ടിയിട്ട് മര്‍ദിച്ചെന്നാണ് ആരോപണം.
also read: അയ്യപ്പ ഭക്തരുടെ വാഹനം മറിഞ്ഞ് അപകടം, 15 പേര്‍ക്ക് പരിക്ക്, അപകടകാരണം അമിതവേഗത
തൃശൂര്‍ മെഡിക്കല്‍ കോളജ് ആശുപത്രിയിലാണ് യുവാവ് ചികിത്സയില്‍ കഴിയുന്നത്. തലയില്‍ ഗുരുതരമായി പരിക്കേറ്റ ഇയാള്‍ക്ക് ശസ്ത്രക്രിയ നടത്തി. ഇയാളുടെ ആരോഗ്യനില ഗുരുതരമായി തുടരുകയാണ്.
