ആലുവ: എറണാകുളം ആലുവയ്ക്ക് സമീപത്ത് മുട്ടത്ത് കുട്ടികൾ ഓടിച്ച കാറിടിച്ച് ഒരാൾ മരിച്ച സംഭവത്തിൽ സോഷ്യൽമീഡിയയിൽ ജനരോഷം. കുട്ടി ഡ്രൈവർമാരെ തടയാൻ കർശനമായ നിയമങ്ങൾ ഇനിയും ആവശ്യമാണെന്ന് കമന്റുകൾ സൂചിപ്പിക്കുന്നു. ഇടത്തല കുഴിവേലിപ്പിടി സ്വദേശി ബക്കറാണ് മരിച്ചത്. കളമശ്ശേരി ഗുഡ്‌ഷെഡിലെ തൊഴിലാളിയായിരുന്നു ഇദ്ദേഹം.
കുട്ടികൾ ഓടിച്ച കാർ നിയന്ത്രണം വിട്ട് ചായക്കടയിലേക്ക് ഇടിച്ചു കയറുകയായിരുന്നു. സംഭവത്തിൽ മൂന്ന് പേർക്ക് പരിക്ക് പറ്റി. പ്രായപൂർത്തിയാകാത്ത അഞ്ച് കുട്ടികളാണ് കാറിലുണ്ടായിരുന്നതെന്ന് പോലീസ് അറിയിച്ചു.
നിയന്ത്രണം വിട്ട കാർ ദേശീയപാതയ്ക്ക് സമീപത്തെ ചായക്കടയിലേക്ക് ഇടിച്ചുകയറുകയായിരുന്നു. ഇവിടെ ചായകുടിച്ചുകൊണ്ടിരിക്കുകയായിരുന്ന ബക്കറിനും സമീപത്തുണ്ടായിരുന്ന മൂന്ന് പേർക്കും പരിക്കേൽക്കുകയായിരുന്നു. ഗുതുരാവസ്ഥയിലാ ബക്കർ പിന്നീട് മരണപ്പെട്ടു.
കാറിലുണ്ടായിരുന്ന അഞ്ച് കുട്ടികളെയും പോലീസ് കസ്റ്റഡിയിലെടുത്തിട്ടുണ്ട്. പോലീസ് ഇവരുടെ രക്ഷിതാക്കളെ കണ്ടെത്തിയതായാണ് വിവരം. കുട്ടികൾ എവിടെയാണ് പോയത് തുടങ്ങിയ വിവരങ്ങൾ പോലീസ് അന്വേഷിച്ചു വരികയാണ്.