മലപ്പുറം: ഇരട്ട സഹോദരങ്ങളുടെ എസ്എസ്എല്‍സി പരീക്ഷയിലെ ഫുള്‍ എ പ്ലസ് വിജയത്തിന് പിന്നാലെ കുടുംബത്തിലേക്ക് ഇരട്ടി സന്തോഷം പകര്‍ന്ന് സഹോദരിയുടെയും ഫുള്‍ എ പ്ലസ് വിജയം.
ഇരുമ്പുഴി വടക്കുംമുറിയിലെ ജലാലുദ്ദീന്‍-ഖൈറുന്നീസ ദമ്പതികളുടെ മക്കളാണ് മിന്നും വിജയം നേടിയിരിക്കുന്നത്. ഇരട്ട സഹോദരങ്ങളായ ഷാദാനും ഷദയും എസ്എസ്എല്‍സിയ്ക്ക് ഫുള്‍ എ പ്ലസ് കരസ്ഥമാക്കിയിരുന്നു.
ഇപ്പോള്‍ സഹോദരി ഷഹാന ഷിറിനും പ്ലസ്ടുവിന് ഫുള്‍ എ പ്ലസ് നേടിയിരിക്കുകയാണ്. ഹുമാനിറ്റീസ് ആയിരുന്നു വിഷയം. മൂവരും ഇരുമ്പുഴി ഗവ.ഹയര്‍സെക്കന്ററി സ്‌കൂള്‍ വിദ്യാര്‍ഥികളാണ്. ടീച്ചറാവുകയാണ് ഷഹാനയുടെ സ്വപ്‌നം. ഷാദാനും ഷദയ്ക്കും കൊമേഴ്‌സിനോടാണ് താത്പര്യം. ഓണ്‍ലൈന്‍ ക്ലാസിനെ മാത്രം ആശ്രയിച്ചാണ് മൂവരും മികച്ച വിജയം നേടിയിരിക്കുന്നത്.
