പിലാത്തറ: ദുബായില് ജോലി സ്ഥലത്ത് വെച്ച് മാര്ബിള് ദേഹത്ത് വീണ് മലയാളി യുവാവ് മരിച്ചു. പിലാത്തറ അറത്തിപ്പറമ്പിലെ പി.എന്.ഉണ്ണികൃഷ്ണന് വനജ ദമ്പതികളുടെ മകന് പി.എന്. ജിഷ്ണുവാണ് മരിച്ചത്. ഇരുപത്തിയൊന്ന് വയസ്സായിരുന്നു.
ദുബായിലെ സോഡിയാക് മാനുഫാക്ചറിങ് എല്.എല്.സി കമ്പനിയിലെ ജീവനക്കാരനാണ് ജിഷ്ണു. ജോലി സ്ഥലത്തുവെച്ച് മാര്ബിള് ക്രെയിനില് കയറ്റുന്നതിനിടയില് ജിഷ്ണുവിന്റെ ദേഹത്തേക്ക് വീഴുകയായിരുന്നു. സംഭവസ്ഥലത്തുവെച്ച് തന്നെ ജിഷ്ണു തല്ക്ഷണം മരിച്ചു.
മൃതദേഹം പിന്നീട് ആശുപത്രിയിലേക്ക് മാറ്റി. ഇവിടെ വെച്ച് നടത്തിയ പരിശോധനയില് ജിഷ്ണുവിന് കോവിഡ് പോസിറ്റീവാണെന്ന് കണ്ടെത്തി. തുടര്ന്ന് മൃതദേഹം അവിടെ തന്നെ സംസ്കരിക്കുമെന്ന് അധികൃതര് അറിയിച്ചു. സഹോദരി. അനുകൃഷ്ണ.
Discussion about this post