പൂച്ച എന്ന് കേള്‍ക്കുമ്പോള്‍ തന്നെ മനസില്‍ ഓടിയെത്തുന്നത് അതിന്റെ മധുരമുള്ള പതിഞ്ഞ സ്വരമാണ്. ദൃതുലമായ രോമങ്ങളും കുറച്ച് കുറുമ്പ് കൂടുതലുള്ള വര്‍ഗമാണ് പൂച്ചകള്‍. അത്തരത്തില്‍ ഒരു കുറുമ്പി പൂച്ചയുടെ വീഡിയോ ആണ് സമൂഹമാധ്യമങ്ങളില്‍ വൈറലാകുന്നത്. കരയിലിരുന്ന വിശ്രമിക്കുന്ന ആമയെ തടാകത്തിലേക്ക് തള്ളിയിടുകയാണ് ഈ കുട്ടി കുറുമ്പി.
കൗതകവും രസകരവുമായ വീഡിയോ വരുന്നത് റഷ്യയില്‍ നിന്നാണ്. ആന്റണ്‍ ഫിയോക്കോവിസ്‌ക്കി എന്ന യുവാവാണ് വീടിനു സമീപത്തുള്ള കുളക്കരയില്‍ നിന്നും ഈ കൗതുകകരമായ ദൃശ്യങ്ങള്‍ പകര്‍ത്തിയത്. ആമയുടെ പുറകില്‍ തട്ടി കുളത്തിന്റെ വക്കിലെത്തിച്ച ശേഷമാണ് ആമയെ തള്ളിയിട്ടത്. കൃത്രിമമായി നിര്‍മിച്ച കുളത്തിനുള്ളില്‍ വേറെയും ആമകളുണ്ടായിരുന്നു. ഒത്തിരി രസകരമായ വീഡിയോ ഷെയര്‍ ചെയ്ത നിമിഷങ്ങള്‍ക്കുള്ളില്‍ തന്നെ നിരവധി ആളുകളാണ് കണ്ടത്.