അബുദാബി: യുഎഇയില്‍ തിങ്കളാഴ്ച വരെ കാലാവസ്ഥ മുന്നറിയിപ്പ്. അടുത്ത ദിവസങ്ങളിലായി അബുദാബിയിലും രാജ്യത്തെ വടക്ക്, പടിഞ്ഞാറന്‍ തീരപ്രദേശങ്ങളിലും മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി. കനത്ത പൊടിക്കാറ്റ് വാശാന്‍ സാധ്യതയുള്ളതിനാല്‍ റോഡുകളിലെ ദൂരക്കാഴ്‌ചെ സാരമായി ബാധിക്കും.
ഈ സാഹചര്യത്തില്‍ വാഹനം ഓടിക്കുന്നവര്‍ ജാഗ്രത പാലിക്കണമെന്ന് നിര്‍ദേശമുണ്ട്. നവംബര്‍ 18 വരെയാണ് മുന്നറിയിപ്പ് നല്‍കിയിരിക്കുന്നത്. അതേസമയം കടലില്‍ തിരമാല ഉയരാന്‍ സാധ്യതയുള്ളതിനാല്‍ കടലില്‍ ഇറങ്ങുന്നത് ഒഴിവാക്കണമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കുന്നുണ്ട്. പ്രത്യേകിച്ചും വിജനമായ കടലില്‍ ഒറ്റയ്ക്ക് കുളിക്കാനോ നീന്താനോ ഇറങ്ങുന്നത് പാടില്ലെന്ന് കാലാവസ്ഥ കേന്ദ്രം മുന്നറിയിപ്പ് നല്‍കുന്നുണ്ട്.