റിയാദ്: സൗദിയില്‍ പുതിചരിത്രമെഴുതിയ ആദ്യത്തെ വനിത എന്റര്‍ടയ്ന്‍മെന്റ് ഗുസ്തി മത്സരത്തില്‍ നതാലിയ ജേതാവ്. റിയാദ് കിങ് ഫഹദ് സ്റ്റേഡിയത്തിലാണ് ആദ്യ വനിത ഗുസ്തി മത്സരം നടന്നത്. കായിക പ്രേമികള്‍ക്ക് ഹരം പകര്‍ന്ന പോരാട്ടമായിരുന്നു റിയാദ് സേ്റ്റഡിയത്തില്‍ നടന്നത്.
സൗദിയുടെ കായിക ചരിത്രത്തില്‍ ഇടം നേടിയ ആദ്യ വനിതാ ഗുസ്തി മത്സരത്തില്‍ പങ്കെടുത്തത് വേള്‍ഡ് റസ്ലിങ് എന്റെര്‍റ്റൈന്റ്‌മെന്റ് താരങ്ങളായ നതാലിയും ലേസി ഈവന്‍സുമാണ്. ഇന്നലെ നടന്ന ആദ്യമത്സരം കാണാന്‍ കിംഗ് ഫഹദ് സ്റ്റേഡിയത്തില്‍ എത്തിയത് നൂറുക്കണക്കിന് കായിക പ്രേമികളാണ്. റിയാദ് സീസണ്‍ ഫെസ്റ്റിവലിനോട് അനുബന്ധിച്ചായിരുന്നു ഗുസ്തി മത്സരം സംഘടിപ്പിച്ചിരുന്നത്.
Discussion about this post