തണ്ണിമത്തനിലെ മായം തുറന്നുകാട്ടി നടന്‍ ജഗതി ശ്രീകുമാറിന്റെ മകള്‍ പാര്‍വതി ഷോണ്‍ രംഗത്ത്. വഴിയരികില്‍ നിന്ന് വാങ്ങിയ തണ്ണിമത്തന് പ്ലാസ്റ്റിക്കിനോട് സാമ്യമുള്ള തൊലിയാണുള്ളതെന്നാണ് തന്റെ ഫേസ്ബുക്ക് വീഡിയോയിലൂടെ പാര്‍വതി പറയുന്നത്.
ഇതിലും ഭേദം വിഷം വാങ്ങുന്നതാണെന്നാണ് പാര്‍വതി പറയുന്നത്. പച്ചനിറത്തിലുള്ള തണ്ണിമത്തന്റെ പുറത്തെ പ്ലാസ്റ്റിക് പോലയുള്ള പാളിമാറ്റുന്ന ദ്യശ്യങ്ങളടക്കമാണ് പാര്‍വതി പോസ്റ്റ് ഷെയര്‍ ചെയ്തിരിക്കുന്നത്. ഈ വിഷം വാങ്ങി കഴിക്കരുതെന്നും ഫൂട്പാത്തിലും മറ്റും കാണുന്ന പഴങ്ങളും മറ്റും വാങ്ങരുതെന്നും പാര്‍വതി മുന്നറിയിപ്പ് നല്‍കുന്നു.
വഴിയരികില്‍ നിന്ന് വാങ്ങിയ തണ്ണിമത്തന്റെ തൊലി ചെത്തി മാറ്റിയെടുക്കുന്നത് വീഡിയോയില്‍ കാണാം. പുറേമേ നിന്ന് നോക്കുമ്പോള്‍ സാധാരണ തണ്ണിമത്തന് പോലെയാണെങ്കിലും വ്യത്തിയാക്കാനെടുക്കുമ്പോഴാണ് അമളി മനസിലാവുന്നത്. ഇതിനു പിന്നില്‍ വലിയ മാഫിയ തന്നെയുണ്ടെന്നും എന്തു കൊണ്ടാണ് ഇതിനെതിരെ സര്‍ക്കാര്‍ ഇടപെടാത്തതെന്നും പാര്‍വതി ചോദിക്കുന്നു. ഫുഡ്‌സേഫ്റ്റി വകുപ്പ് ഇതിനെതിരെ ശക്തമായ നടപടികളെടുക്കണമെന്നും പാര്‍വതി പറയുന്നു.
