ഊട്ടി: ഊട്ടി കൂനൂരിനടുത്ത് ഓടിക്കൊണ്ടിരിക്കുന്ന ബൈക്കിന് മുകളില്‍ മരം വീണ് സൈനികന് മരിച്ചു. ബൈക്ക് യാത്രികനായ പാലക്കാട് മുണ്ടൂര്‍ സ്വദേശി നാമ്പുള്ളിപുര വീട്ടില്‍ സ്വാമിനാഥന്റെ മകന്‍ പ്രദീപ് (26)ആണ് മരിച്ചത്.
ഇന്ന് രാവിലെ കൂനൂര്‍ മേട്ടുപ്പാളയം റോഡില്‍ നന്ദകുമാര്‍ ബ്രിഡ്ജിന് സമീപമാണ് അപകടമുണ്ടായത്. സഹോദരന്‍ പ്രതീഷിന്റെ കൂടെ പോകുമ്പോഴായിരുന്നു അപകടം. ആറ് വര്‍ഷമായി പ്രദീപ് പട്ടാളത്തില്‍ ചേര്‍ന്നിട്ട്. മദ്രാസ് റെജിമെന്റിലാണ്. മാതാവ്: പ്രേമ. മറ്റു സഹോദരങ്ങള്‍: പ്രവീണ്‍, പ്രമോദ്.