തിരുവനന്തപുരം: പതിനഞ്ചുവയസുകാരിയെ പീഡിപ്പിച്ച കേസില് യുവാവ് അറസ്റ്റില്. നെയ്യാറ്റിന്കര ചെങ്കല് മര്യാപുരം തേവിളാകം മാര്ത്തോമ്മാ പള്ളിക്ക് സമീപം സ്വദേശി ഷിജു ആണ് പൂജപ്പുര പൊലീസിന്റെ പിടിയിലായത്. രണ്ട് ദിവസം മുന്പാണ് കേസിനാസ്പദമായ സംഭവം.
തിരുമലയിലെ വീട്ടില് ജോലിക്കെത്തിയ യുവാവ് പെണ്കുട്ടിയെ പീഡിപ്പിക്കുകയായിരുന്നു. ആശാരിപ്പണിക്കെത്തിയ യുവാവ് കുട്ടിയുടെ അമ്മ വീട്ടില് നിന്ന് പുറത്ത് പോയ തക്കം നോക്കിയാണ് പെണ്കുട്ടിയെ ഉപദ്രവിച്ചത്. പുറത്ത് പോയ അമ്മ തിരികെ വീട്ടിലെത്തിയപ്പോള് കുട്ടി പീഡനവിവരം വെളിപ്പെടുത്തുകയായിരുന്നു. ഇതോടെ ഇവര് പൊലീസില് പരാതി നല്കി. തുടര്ന്ന് നടത്തിയ അന്വേഷണത്തിലാണ് പ്രതി പിടിയിലായത്. സിഐ രാജേന്ദ്രന്, എഎസ്ഐ ബൈജു, സീനിയര് സിവില് പൊലീസുകാരായ സെയ്യദലി പ്രകാശ് എന്നിവരടങ്ങിയ സംഘമാണ് ഇയാളെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Discussion about this post