തൃശ്ശൂര്‍: മനുഷ്യന്‍ കരുണയില്ലാത്തവനും തിരിച്ചറിവില്ലാത്ത മൃഗവുമാവുമ്പോള്‍ നിറയെ കാരുണ്യവും നന്മയും കൊണ്ട് മനസ്സുകള്‍ കീഴടക്കുകയാണ് ഒരു ആനയുടെ വീഡിയോ. വഴിയോരക്കച്ചവടക്കാരിയോട് ആന കാണിച്ച കാരുണ്യത്തിന്റെ കഥയാണ് സെക്കന്‍ഡുകള്‍ മാത്രമുള്ള വീഡിയോ പങ്കുവയ്ക്കുന്നത്. വീഡിയോ ഇതിനകം സൈബര്‍ ലോകത്ത് വൈറലായിക്കഴിഞ്ഞു.
13 സെക്കന്‍ഡുകള്‍ മാത്രമുള്ള കാരുണ്യത്തിന്റെ വീഡിയോ ഫേസ്ബുക്കില്‍ ഒട്ടേറെപേരാണ് പങ്കുവച്ചിരിക്കുന്നത്. ക്ഷേത്രോല്‍സവ എഴുന്നള്ളിപ്പിനിടെ ആനകള്‍ നിരയായി കടന്നു പോകുന്നതിനിടെയാണ് സംഭവം.
വഴിയരികില്‍ കച്ചവടത്തിനായി ഇരുന്ന ആന വരുന്നത് കണ്ട് പെട്ടെന്ന് എഴുന്നേറ്റ് മാറി,
പക്ഷേ ഒരു പൊതി എടുക്കാന്‍ കഴിഞ്ഞില്ല. ആന വരുന്ന വഴിയില്‍ തന്നെ ഒരു പൊതി കിടക്കുന്നതും വീഡിയോയില്‍ കാണാം. എന്നാല്‍ പൊതിയുടെ അടുത്തെത്തിയ ആന
അതില്‍ ചവിട്ടാതെ കാല്‍ ഉയര്‍ത്തി വച്ചാണ് കടന്നുപോയത്.
ആന പോയതിന് തൊട്ടുപിന്നാലെ അമ്മ എത്തിയ ഈ പൊതി എടുത്തുകൊണ്ട് പോകുന്നതും വീഡിയോയില്‍ കാണാം. ആനയോളം പോന്ന നന്മ വീഡിയോ:
Discussion about this post