തിരുവനന്തപുരം: സിവില്‍ സര്‍വീസ് പരീക്ഷയില്‍ മികച്ച വിജയം നേടി സ്വന്തം സമൂഹത്തിന് പ്രചോദനവും അഭിമാനവുമായ വയനാട് സ്വദേശിനി ശ്രീധന്യയെ ഫേസ്ബുക്കിലൂടെ വംശീയമായി അധിക്ഷേപിച്ചവര്‍ക്കെതിരെ എസ്‌സി-എസ്ടി കമ്മിഷന്‍ കേസെടുത്തു.
മൃദുലദേവി എസ്, വിബിന്‍ എന്നിവര്‍ നല്‍കിയ പരാതിയുടെ അടിസ്ഥാനത്തില്‍ ഇതേക്കുറിച്ച് അന്വേഷിച്ച് റിപ്പോര്‍ട്ട് നല്‍കാന്‍ ജില്ലാ പോലീസ് മേധാവികള്‍, സൈബര്‍ ക്രൈം വിംഗ് എന്നിവരോട് കമ്മീഷന്‍ ആവശ്യപ്പെട്ടു.
ശ്രീധന്യയെ കുറിച്ചുള്ള മീഡിയാ വണ്‍ ചാനല്‍ നല്‍കിയ നല്ല വാര്‍ത്തക്ക് കമന്റായാണ് അപകീര്‍ത്തിപ്പെടുത്തും വിധം വംശീയമായി അധിക്ഷേപിച്ച് യുവാവ് കമന്റിട്ടത്. ഏറെ അഭിനന്ദനങ്ങളുടെ സന്തോഷത്തിലിരിക്കെ ഇത്തരം പോസ്റ്റുകള്‍ തന്നെ കടുത്ത മാനസിക വിഷമത്തിലാക്കിയിരിക്കുകയാണെന്ന് ശ്രീധന്യ പറഞ്ഞിരുന്നു.
Discussion about this post