പാലക്കാട്: പാലക്കാട് ജില്ലയില്‍ വീണ്ടും കഞ്ചാവ് വേട്ട. ഷൊര്‍ണൂര്‍ റെയില്‍വേ സ്റ്റേഷനില്‍ ആര്‍പിഎഫ് നടത്തിയ പരിശോധനയില്‍ പന്ത്രണ്ട് കിലോ കഞ്ചാവും, കൊല്ലങ്കോട് എക്‌സൈസ് സംഘം നടത്തിയ പരിശോധനയില്‍ ഏഴ് കിലോ കഞ്ചാവുമാണ് പിടികൂടിയത്.
റെയില്‍വേ പ്രൊട്ടക്ഷന്‍ ഫോഴ്‌സ് ഇന്റലിജന്‍സ് വിഭാഗവും റെയില്‍വെ പോലീസും സംയുക്തമായി നടത്തിയ പരിശോധനയിലാണ് ശബരി എക്‌സ്പ്രസില്‍ വന്നിറങ്ങിയ കാളികാവ് സ്വദേശി അബ്ദുള്‍ റഹ്മാനില്‍ നിന്ന് പന്ത്രണ്ട് കിലോ കഞ്ചാവ് പിടികൂടാന്‍ സാധിച്ചത്.
കൊല്ലങ്കോട് വെച്ച് എക്‌സൈസ് സംഘത്തിന്റെ പിടിയിലായവരുടെ കൈയില്‍ ഏഴു കിലോ കഞ്ചാവും, 743 നൈട്രസെപ്പാം ഗുളികകളുമാണ് ഉണ്ടായിരുന്നത്. കൊല്ലങ്കോട് നിന്ന് ചാവക്കാട്ടേക്ക് കടത്താന്‍ ശ്രമിക്കുന്നതിന്റെ ഇടയിലാണ് ഇവര്‍ എക്‌സൈസ് സംഘത്തിന്റെ പിടിയിലായത്. ചാവക്കാട് സ്വദേശികളായ ഷിനാസ്, കണ്ണന്‍ എന്നിവരെയാണ് എക്‌സൈസ് സംഘം പിടികൂടിയത്.
Discussion about this post