കോഴിക്കോട് :കോഴിക്കോട് ജില്ലയിലെ 13 മണ്ഡലങ്ങളിൽ ഒമ്പതിടത്തും എൽഡിഎഫ് മുമ്പിൽ. വടകര, കുന്നമംഗലം,തിരുവമ്പാടി, ബാലുശ്ശേരി എന്നിവിടങ്ങളിൽ മാത്രമാണ് യുഡിഎഫ് മുമ്പിൽ നിൽക്കുന്നത്. ഒമ്പതര വരെയുള്ള കണക്കുകൾ പ്രകാരം കൊടുവള്ളിയിൽ പ്രതിപക്ഷ ഉപനേതാവ് ഡോ. എം കെ മുനീർ പിന്നിലാണ്. തിരുവമ്പാടിയിൽ എഴുനൂറോളം വോട്ടുകൾക്കാണ് യുഡിഎഫ് സ്ഥാനാർത്ഥി മുമ്പിൽ
കനത്ത പോരാട്ടം നടന്ന ബാലുശ്ശേരിയിൽ നടൻ ധർമജൻ ബോൾഗാട്ടി മുമ്പിലാണ്. പേരാമ്പ്രയിൽ ലീഗ് സ്ഥാനാർത്ഥി 240 വോട്ടിന് പിന്നിലാണ്. നാദാപുരത്ത് എൽഡിഎഫ് 143 വോട്ടുമായി ലീഡ് ചെയ്യുന്നു. കുറ്റ്യാടിയിൽ സിറ്റിങ് എംഎൽഎ പാറക്കൽ അബ്ദുല്ല 266 വോട്ടിന് പിന്നിലാണ്. സിറ്റിങ് സീറ്റായ കോഴിക്കോട് സൗത്തിൽ 168 സീറ്റിന് പിന്നിലാണ്. നോർത്തിൽ 118 വോട്ടിന് മുൻ മേയർ തോട്ടത്തിൽ രവീന്ദ്രൻ ലീഡ് ചെയ്യുന്നു. കെകെ രമ മത്സരിക്കുന്ന വടകരയിൽ 1733 വോട്ടിന്റെ ലീഡാണ് യുഡിഎഫിനുള്ളത്.
Discussion about this post