ലാലിഗ സീസണിലെ അവസാന മത്സരത്തിൽ ബാഴ്സലോണയുടെ സൂപ്പർ താരം ലയണൽ മെസ്സി കളിക്കില്ല. . ശനിയാഴ്ച ഐബറിനെതിരെയാണ് ബാഴ്സയുടെ സീസണിലെ അവസാന മത്സരം. ഇതോടെ മെസി ഇനി ബാഴ്സ കുപ്പായത്തിൽ കളിക്കുമോ എന്ന ചർച്ച ഫുട്ബോൾ ലോകത്ത് വീണ്ടും സജീവമായിരിക്കുകയാണ്.
വെള്ളിയാഴ്ച ടീമിനൊപ്പം മെസി പരിശീലനത്തിന് ഇറങ്ങിയിരുന്നില്ല. മെസിക്ക് അവധി അനുവദിച്ചതായാണ് ക്ലബ്ബ് വ്യക്തമാക്കിയത്. നേരത്തെ ലാലിഗയിൽ ബാഴ്സയുടെ കിരീട മോഹങ്ങൾ അവസാനിച്ചിരുന്നു. അതുകൊണ്ട് തന്നെ ഐബറിനെതിരായ മത്സരം അപ്രധാനമായാണ് ബാഴ്സലോണ കാണുന്നത്.
ഈ സീസണോടെ മെസിയും ബാഴ്‌സയുമായുള്ള കരാർ അവസാനിക്കും. ഇതുവരെ കരാർ പുതുക്കുന്നതുമായി ബന്ധപ്പെട്ട നീക്കങ്ങളൊന്നും ഇരുഭാഗത്തുനിന്നും ഉണ്ടായിട്ടില്ലെന്നാണ് പുറത്ത് വരുന്ന റിപ്പോർട്ടുകൾ.മധ്യനിരയിലെ സ്ഥിരസാന്നിധ്യമായ യുവതാരം പെഡ്രിക്കും കോച്ച് വിശ്രമം അനുവദിച്ചിട്ടുണ്ട്. വ്യാഴാഴ്ച ശസ്ത്രക്രിയക്ക് വിധേയനായ ഗോൾകീപ്പർ ടെർസ്റ്റഗൻ, പ്രതിരോധ താരം ക്ലമന്റ് ലെങ്ലെ എന്നിവരുടെ പേരും നാളത്തെ മത്സരത്തിനുള്ള കളിക്കാരുടെ ലിസ്റ്റിലില്ല.
Lionel Messi will not play against Eibar on the final day and is resting before the Copa America.
His Barcelona season is over. pic.twitter.com/1GsItPHYGF
— B/R Football (@brfootball) May 21, 2021
Discussion about this post