നാടന്‍ വിഭവങ്ങളിലും വ്യത്യസ്തത കണ്ടെത്തുന്നവരാണ് നാം മലയാളികള്‍. പലതരം പച്ചടികള്‍ നാം കഴിച്ചിട്ടുണ്ട് ഇതാ ഭക്ഷണ പ്രേമികള്‍ക്ക് ഒരു പ്രത്യേക ഐറ്റം. ആപ്പിള്‍ കാപ്‌സികം പച്ചടി.
ചേരുവകള്‍:
ആപ്പിള്‍ അരിഞ്ഞത് – ഒരു കപ്പ്
കാപ്‌സികം അരിഞ്ഞത് – കാല്‍ കപ്പ്
തേങ്ങ – അര കപ്പ്
തൈര് – ഒന്നര കപ്പ്
പച്ചമുളക് – 2 എണ്ണം
ഇഞ്ചി – ചെറിയ കഷണം
കടുക് – അര ടീസ്പൂണ്‍
ഉപ്പ് ആവശ്യത്തിന് താളിക്കാന്‍
വെളിച്ചെണ്ണ – 2 ടീസ്പൂണ്‍
ഉലുവ – 2 എണ്ണം
കറിവേപ്പില – 2തണ്ട്
തയ്യാറാക്കുന്ന വിധം:
ആപ്പിള്‍ പൊടിയായി അരിഞ്ഞ് പച്ചവെള്ളത്തിലിട്ട് വെള്ളം ഊറ്റി മാറ്റിവെയ്ക്കുക. തേങ്ങ, തൈര്, പച്ചമുളക്, ഇഞ്ചി എന്നിവ മിക്‌സിയില്‍ അരച്ചെടുക്കുക. ഇതിലേക്ക് ആപ്പിള്‍, കാപ്‌സിക്കം, കടുക്, ഉപ്പ് എന്നിവ ചേര്‍ക്കുക. വെളിച്ചെണ്ണ ചൂടാക്കി ഉണക്കമുളക്, ഉലുവ, കറിവേപ്പില എന്നിവ താളിച്ച് കൂട്ടില്‍ ചേര്‍ത്തിളക്കുക.
