ബിബിന്‍ ജോര്‍ജ് നായകനായി എത്തുന്ന ഏറ്റവും പുതിയ ചിത്രമായ ‘മാര്‍ഗ്ഗംകളി’യുടെ ട്രെയിലര്‍ അണിയറപ്രവര്‍ത്തകര്‍ പുറത്തുവിട്ടു. കോമഡിയും സസ്‌പെന്‍സും എല്ലാം കൂട്ടിയിണക്കിയ കിടിലന്‍ ഒരു പടമാണിതെന്നാണ് ട്രെയിലര്‍ നല്‍കുന്ന സൂചന.
ശ്രീജിത്ത് വിജയനാണ് ചിത്രത്തിന്റെ സംവിധായകന്‍. നമിത പ്രമോദ്, ഗൗരി കിഷന്‍ എന്നിവരാണ് ചിത്രത്തിലെ നായികമാര്‍. സിദ്ദിഖ്, ശാന്തികൃഷ്ണ, ഹരീഷ് കണാരന്‍, ബൈജു, ധര്‍മ്മജന്‍ ബൊള്‍ഗാട്ടി, ബിന്ദു പണിക്കര്‍, സുരഭി സന്തോഷ്, സൗമ്യാ മേനോന്‍, ബിനു തൃക്കാക്കര എന്നിവരാണ് ചിത്രത്തിലെ മറ്റ് താരങ്ങള്‍.
കുഞ്ചാക്കോ ബോബന്‍ നായകനായി എത്തിയ കുട്ടനാടന്‍ മാര്‍പാപ്പയ്ക്ക് ശേഷം ശ്രീജിത്ത് വിജയന്‍ സംവിധാനം ചെയ്യുന്ന ചിത്രംകൂടിയാണിത്. ചിത്രം അടുത്ത മാസം തീയ്യേറ്ററുകളിലെത്തും.
