നടന്‍ കലാഭവന്‍ ഷാജോണ്‍ സംവിധാനം ചെയ്യുന്ന ‘ബ്രദേഴ്‌സ് ഡേ’യുടെ ടീസര്‍ പുറത്ത്. ഒരു മിനിട്ടോളം നീളുന്ന ടീസര്‍ മാജിക്ക് ഫ്രെയിംസിന്റെ യൂട്യൂബ് ചാനലിലൂടെയാണ് പുറത്തു വിട്ടിരിക്കുന്നത്. പൃഥ്വിരാജ് നായകനായി എത്തുന്ന ചിത്രം കോമഡിയും ആക്ഷനുമെല്ലാം ചേര്‍ന്നുള്ള മാസ് എന്റര്‍ടെയിനര്‍ ആണെന്ന് തെളിയിക്കുന്നതാണ് ടീസര്‍.
മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫന്‍ നിര്‍മ്മിക്കുന്ന ചിത്രത്തില്‍ ഐശ്വര്യ ലക്ഷ്മി, മിയ, പ്രയാഗാ മാര്‍ട്ടിന്‍, മഡോണ സെബാസ്റ്റ്യന്‍ എന്നിവരാണ് നായികമാരായെത്തുന്നത്. ഒരു ആക്ഷന്‍ കോമഡിചിത്രമായിട്ടാണ് ‘ബ്രദേഴ്‌സ് ഡേ’ ഒരുങ്ങുന്നത്.
